މޯލްޑިވްސް މީޑިއާ ކައުންސިލް (އެމްއެމްސީ) އިން ދޭ ނޫސްވެރިކަމުގެ އެވޯޑަށް 82 ހުށަހެޅުން ލިބިފައިވާ ކަމަށް އެމްއެމްސީން ހާމަކޮށްފި އެވެ.
ނޫސްވެރިކަމުގެ އެވޯޑް މިއަހަރު ދިނުމަށް ހަމަޖެހިފައިވަނީ 12 ދާއިރާ އަކުންނެވެ.
އެވޯޑްގައި ހިމެނޭ ދާއިރާތައް
- ތަހުގީގީ ނޫސްވެރިކަން
- ސިޔާސީ ދާއިރާ
- ޝަރުއީ އަދި ގާނޫނީ ދާއިރާ
- ވިޔަފާރިއާއި އިގްތިސޯދީ ދާއިރާ
- ދެމެހެއްޓެނިވި ތަރައްގީ އާއި އިޖުތިމާއީ ދާއިރާ
- ކުޅިވަރުގެ ދާއިރާ
- ފޮޓޯ ޖާނަލިޒަމް
- ވީޑިއޯ ޖާނަލިޒަމް
- ފީޗާ
- ގްރެފިކްސް އާއި އިލެސްޓްރޭޝަންސް
- އުއްމީދީ ނޫސްވެރިޔާ
- އަހަރުގެ އެންމެ މޮޅު ނޫސްވެރިޔާ
އެމްއެމްސީން ނޫސްވެރިންގެ އެވޯޑް ދެނީ ނޫސްވެރިންގެ މަސައްކަތް ބަލައިގަނެ ހިތްވަރު ދިނުމުގެ ގޮތުން ކަމަށް އެމްއެމްސީން ބުނެ އެވެ.
ނޫސްވެރިންގެ އެވޯޑް ދިނުމަށް ރަސްމިއްޔާތު ބާއްވާނެ ވަކި ދުވަހެއް އަދި އެމްއެމްސީން ހާމަކޮށްފައެއް ނުވެ އެވެ.