އައްޑޫ ސިޓީގެ ހިތަދޫގައި ޓޫރިޒަމް ދޫކޮށްފައި އޮތް ހުސް ބިމުގައި އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފް އިން ބުނީ ރޯވެފައިވަނީ އެތަނުގައި ހުރި ކުނިތަކެއްގައި ކަމަށެވެ.
މިހާދިސާގެ މައުލޫމާތު އެމްއެންޑީއެފްއަށް ރިޕޯޓްކޮށްފައިވަނީ މިރޭ 6:45 ހާއިރު އެވެ.
އަލިފާން ނިއްވުމުގެ މަސައްކަތް ސިފައިން ކުރަމުންދާ ކަމަށް ބުނި ނަމަވެސް އެތަނަށް ލިބުނު ގެއްލުމުގެ އެއްވެސް މައުލޫމާތެއް އަދި ނުލިބެ އެވެ.
އައްޑޫގައި ގަސް ގިނަ މީހުން ނޫޅޭ ސަރަހައްދުތަކުގައި ދޭތެރެދޭތެރެއިން އަލިފާނުގެ ހާދިސާތައް ހިނގަ އެވެ.