އެސްޓީއޯ ކޮންސްޓްރަކްޝަން ސޮލިއުޝަންސް އިން ސިމެންތީގެ ހާއްސަ ޕްރޮމޯޝަނެއް ފަށައިފި އެވެ.
އެސްޓީއޯ ކޮންސްޓްރަކްޝަން ސޮލިއުޝަނަކީ ރާއްޖޭގައި ކޮންސްޓްރަކްޝަންގެ ސާމާނު އެންމެ ފުޅާ ދާއިރާއެއްގައި އެތެރެކޮށް ވިއްކަމުން އަންނަ ކުންފުންޏެވެ.
މި ޕްރޮމޯޝަންގައި ގަންނަ "ޕަޔަނިއާ" ބްރޭންޑްގެ 50 ކިލޯގެ ސިމެންތި ބަސްތާއެއް ޖީއެސްޓީއާ ނުލައި 90 ރުފިޔާ އަށް ލިބޭނެ އެވެ. މިއީ އާންމު އަގުންނަމަ 108 ރުފިޔާއަށް ވިއްކަމުން އައި ސިމެންތި ބަސްތާ އެކެވެ.
އެސްޓީއޯ އިން ބުނީ މި ޕްރޮމޯޝަނުން ލިބިގެންދާ ހާއްސަ އަގުގެ ސަބަބުން އިމާރާތް ކުރުމުގެ ދާއިރާގައި ހިމެނޭ ކޮންޓްރެކްޓަރުންނާއި، އަތޮޅު ތެރޭގައި ސިމެންތި ވިއްކާ ފަރާތްތަކާއި އަދި އާއްމު ފަރުދުންނަށްވެސް ބޮޑެތި ލުއި ފަސޭހަތަކެއް ލިބިގެން ދާނެ ކަމަށެވެ.
މީގެ އިތުރުން 1،500 ރުފިޔާއަށް ވުރެ މަތިން ވިޔަފާރި ކުރާ ކޮންމެ މީހަކަށްވެސް ލޯޑް ކުރުމަށް ހުއްދަ ދީފައިވާ ސަރަހައްދުތަކަށް ހިލޭ ޑެލިވެރީ ކޮށްދޭނެ ކަމަށް އެސްޓީއޯ އިން ބުނެ އެވެ.
ޕަޔަނިއާ ސިމެންތި އަކީ ޔޫއޭއީގައި އެންމެ މަގުބޫލު ސިމެންތި ބްރޭންޑެވެ.
އެސްޓީއޯ ކޮންސްޓްރަކްޝަން ސޮލިއުޝަންގެ މި ޕްރޮމޯޝަން ކުރިއަށް ދާނީ ކުރިއަށް އޮތް މެއި މަހުގެ 31 ވަނަ ދުވަހުގެ ނިޔަލަށެވެ.