ރައްޔިތުންގެ މަޖިލީހުގެ މި ދައުރުގެ މުއްދަތު އިތުރުކުރަން މަޖިލީހުގެ ފާސްކޮށްފި އެވެ.
މަޖިލީހުގެ ދައުރު މިމަހުގެ 26 ވަނަ ދުވަހުގެ ނިޔަލަށް އިތުރުކުރަން ފާސްކުރީ މިއަދުގެ ޖަލްސާގައި ނެގި ވޯޓުގަ އެވެ.
ދައުރު އިތުރުކުރަން ފާސްވީ ވޯޓު ދެއްވި 80 މެންބަރުންގެ އިއްތިފާގުންނެވެ.
މަޖިލީހުގެ ގަވާއިދުގައިވާ ގޮތުން މަޖިލީހުގެ މި ދައުރުގެ ފަހު ދުވަހަކީ އޮގަސްޓް 15 ވަނަ ދުވަހެވެ.
މަޖިލީހުގެ މިއަދުގެ ޖަލްސާ ފައްޓަވަމުން މަޖިލީހުގެ ރައީސް އަބްދުއްރަހީމް އަބްދުﷲ ވަނީ މަޖިލީހުގައި ނިންމަން މުހިންމު މަސައްކަތްތަކެއް ހުރުމުން ދައުރު އިތުރުކުރަން ހުށަހަޅުއްވާފަ އެވެ.