ސިހުރު ހަދާ ކަމަށް ތުހުމަތުކުރެވޭ މީހަކު ހއ. މާރަންދޫ އިން މިއަދު ހައްޔަރުކޮށްފި އެވެ. ހައްޔަރުކޮށްފައިވާނީ އުމުރުން 66 އަހަރުގެ ފިރިހެނެކެވެ.
ފުލުހުން ބުނީ، އިންޓެލިޖެންސަށް ލިބުނު މައުލޫމާތަކާއި ގުޅިގެން މާރަންދޫގައި ސިހުރު ހަދާކަމަށް ތުހުމަތު ކުރެވޭ ދެ ގެއެއް އިއްޔެ ބަލައި ފާސްކޮށްފައިވާ ކަމަށެވެ. އިއްޔެ މެންދުރު ބާރަށު ޕޮލިސް ސްޓޭޝަނުގެ ފުލުހުން ހިންގި އެ އޮޕަރޭޝަނުގައި ފާސްކުރި ދެ ގޭގެ ތެރެއިން ހައްޔަރުކުރި މީހާ ދިރިއުޅޭ ގެއިން ސިހުރު ހަދަން ބޭނުންކުރާ އެކި ބާވަތުގެ ތަކެތި ވަނީ ފެނިފައިވާ ކަމަށެވެ.
އެ މައްސަލާގައި ފުލުހުން ހައްޔަރުކޮށްފައިވާ މީހާގެ ބަންދަށް ހއ. މާރަންދޫ މެޖިސްޓްރޭޓް ކޯޓުން ވަނީ ހަތް ދުވަހުގެ ބަންދު މުއްދަތެއް ޖަހާފަ އެވެ.
ފުލުހުން ދަނީ އެ މައްސަލަ ތަހުގީގު ކުރަމުންނެވެ.
މާރަންދޫ ގެއަކުން ހޯދި ތަކެތި