ފެނަކަ ކޯޕަރޭޝަންގެ ޗެއާމަންގެ މަގާމަށް އެސްޓީއޯގެ މެނޭޖިން ޑިިރެކްޓަރު ޝިމާދު އިބްރާހީމް އައްޔަންކޮށްފި އެެވެ.
ފެނަކައިގެ ޗެއާމަންގެ މަގާމަށް ޝިމާދު އައްޔަންކޮށްފައި މިވަނީ އެސްޓީއޯގެ ސަބްސިޑަރީ ކުންފުންޏެއްގެ ގޮތުގައި ފެނަކަ ހަމަޖެއްސުމުގެ އިދާރީ މަސައްކަތްތައް ފަށާފައި ވަނިކޮށެވެ.
ރައީސް ޑރ. މުހައްމަދުގެ ސަރުކާރުން ފެނަކައިގެ ޗެއާމަންގެ މަގާމަށް އެންމެ ފުރަތަމަ އައްޔަންކުރީވެސް އެސްޓީއޯގެ ކުރީގެ މެނޭޖިން ޑިރެކްޓަރު އަހްމަދު ޝަހީރު އެވެ. ނަމަވެސް މިދިޔަ އޮގަސްޓް 11 ވަނަ ދުވަހު ޕްރައިވެޓައިޒޭޝަން ބޯޑުން ވަނީ ޝަހީރު މަގާމުން ވަކިކޮށްފަ އެވެ.
ފެނަކައިގެ ޑިރެކްޓަރުންގެ ބޯޑަށް އިތުރު ދެ ބޭފުޅަކު ވެސް އައްޔަންކޮށްފައިވެ އެވެ. އެގޮތުން އައްޔަންކޮށްފައިވަނީ މުހައްމަދު މާޒިން އާއި މުހައްމަދު ނިޒާމު އެވެ.
ފެނަކަ ކޯޕަރޭޝަނުން ވަނީ އެ ކުންފުނީގެ އާ ޗެއާޕާސަނާއި ބޯޑު ދެ މެންބަރުންނަށް މަރުހަބާ ކިޔާފަ އެވެ.