އެމެރިކާގައި މިއަހަރު އޮންނަ ރިޔާސީ އިންތިހާބު ފެށިގެން ހިނގައިގަތް ތަނުން ޕެންސިލްވޭނިއާގެ ބައެއް ހިސާބުތަކުގައި ވޯޓުލާ މެޝިންތަކުގެ ހިދުމަތް މެދުކެނޑި، ވޯޓުލުން ހުއްޓިއްޖެ އެވެ.
ޕެންސިލްވޭނިއާ އިލެކްޝަން ބޯޑުން މިހާރު ވަނީ ވަގުތު އިތުރުކުރަން ކޯޓު އަމުރަކަށް އެދިފަ އެވެ.
އިލެކްޝަން ކޮމިޝަނާ ހަވާލާދީ ސީއެންއެން ބުނި ގޮތުން ވޯޓުލާ މެޝިންތަކަށް ދިމާވީ ސޮފްޓްވެއާ މައްސަލަ އެކެވެ.
ވޯޓު މެޝިންތަކަށް ދިމާވި ސޮފްޓްވެއާ މައްސަލަތަކާ ގުޅިގެން، ވޯޓުލުން ނުހުއްޓޭނެ ކަމަށް އިލެކްޝަން ބޯޑުން ބުންޏެވެ. އަދި ވޯޓުލާން ގޮސް ތިބި މީހުން -- ވޯޓުލާން ބޭނުންނަމަ އެނބުރި ނުދިޔުމަށްވެސް ވަނީ އެދިފަ އެވެ.
އިލެކްޝަން ބޯޑާ ހަވާލާދީފައި ހުރި ހަބަރުތައް ބުނާ ގޮތުން މި މެޝިންތަކުގައި ބޭނުންކުރާ ސޮފްޓްވެއާ މަރާމާތުކުރަން ކުޅަދާނަ ފަންނުވެރިންގެ ޓީމަކުން މިހާރު ދަނީ މެޝިންތަކަށް ދިމާވި މައްސަލަތައް ރަނގަޅުކުރަމުންނެވެ.
މެޝިންތައް މުޅިން ރަނގަޅު ނުކުރެވިއްޖެނަމަ އަދި ކޯޓުން ލަފާދޭ ގޮތަކުން އިތުރު މެޝިންތައް ޖަމާކުރަން ޖެހިދާނެ ކަމަށްވެސް އިލެކްޝަން ކޮމިޝަނުން ބުންޏެވެ.