މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓުން އެންޑް ޕްރޮމޯޝަން ކޯޕަރޭޝަން (އެމްފޯމްޕީސީ)ގެ ޗެއާޕާސަންގެ ގދ. ތިނަދޫ، ސޯމާ، އަހްމަދު ޝަރީފް މަގާމަށް ހަމަޖައްސައިފި އެވެ.
އަހްމަދު ޝަރީފް އެންމެ ފަހުން ހުންނެވީ ސަރުކާރުގެ މަސް ކުންފުނި މިފްކޯގެ ޗެއާޕާސަންގެ މަގާމު ގައެވެެ.
މިބަދަލު ގެނެސްފައިވާ ކަމަށް ޕްރައިވެޓައިޒޭޝަން ބޯޑުން މިއަދު ވަނީ ހާމަކޮށްފަ އެވެ. ނަމަވެސް މި ބަދަލު ގެނައި ވަކި ސަބަބެއް ނުބުނެ އެވެ.
އެމްފޯމްޕީސީއަކީ ރައީސް ޑރ. މުހައްމަދު މުއިއްޒު ވެރިކަމަށް ވަޑައިގެން މަސްވެރިކަމުގެ ސިނާއަތް އިޝްތިހާރުކޮށް މަސްވެރިކަމުގެ އުފެއްދުންތަކަށް މާކެޓް ހޯދުމުގެ ބޭނުމުގައި އުފެއްދި ކުންފުންޏެކެވެ.