އިޒްރޭލުގެ ޗެނަލް 11 އިން ރިޕޯޓުކޮށްފައިވާ ގޮތުގައި އެ ގައުމުގެ ބޮޑުވަޒީރު ބެންޖަމިން ނެތަންޔާހޫއަށް ޕްރޮސްޓޭޓް ކެންސަރު ޖެހިފައިވާކަން ފާހަގަކުރެވިއްޖެ އެވެ.
ނޫހުގައިވާ ގޮތުން ފާއިތުވި ހަފްތާގައި، ކުޑަކަމުދާ ނިޒާމުގެ އިންފެކްޝަނެއްގެ ސަބަބުން ޖެރޫސަލަމްގައި ހުންނަ ހަދާސާ ހޮސްޕިޓަލުގައި މެޑިކަލް ޗެކަޕް ހެދުމަށްފަހު، ޑޮކްޓަރުން ވަނީ ނެތަންޔާހޫއަށް ޕްރޮސްޓޭޓް ކެންސަރު ޖެހިފައިވާކަން ކަށަވަރުކޮށްދީފަ އެވެ.
އިޒްރޭލްގެ މީޑިއާތަކުން މަޢުލޫމާތު ދީފައިވާ ގޮތުގައި، ބެންޖަމިން ނެތަންޔާހޫ އަވަސް މުސްތަގުބަލެއްގައި ސާޖަރީއެއް ހަދަން ޖެހޭނެ އެވެ.
ނަތަންޔޫހާއަށް ކެންސަރު ޖެހިފައިވީ ނަމަވެސް އޭނާގެ ސިއްހީ ހާލަތު މިވަގުތު ރަނގަޅު ކަމަށްވެސް ރިޕޯޓްތައް ބުނެ އެވެ.