ސްރީލަންކާ އާއި ރާއްޖެއާ ދެމެދު އޮތީ އިތުބާރުގެ މައްޗަށް ބިނާވެފައިވާ ހާއްސަ ގުޅުމެއް ކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.
ލަންކާގެ މިނިވަން ދުވަހުގެ ތަހުނިޔާ ފޮނުއްވައި އެކްސްގައި ކުރެއްވި ޕޯސްޓެއްގައި ރައީސް މުއިއްޒު ވިދާޅުވީ ދެ ގައުމުގެ ދެމެދު އޮތީ އެއްގޮތް ސިޔާސަތުތަކަކާއި އިތުބާރުގެ މައްޗަށް ބިނާވެފައި އޮތް ވަރުގަދަ ގުޅުމެއް ކަމަށެވެ.
ރައީސް މުއިއްޒު ކުރެއްވި ޕޯސްޓްގައި ވަނީ ދެ ގައުމުގެ ގުޅުން އިތުރަށް ބަދަހިވެގެންދާނެ ކަމަށް ޔަގީންކުރައްވާ ކަމަށްވެސް ވިދާޅުވެފަ އެވެ.
ރައީސްގެ ޕޯސްޓްގައި ވަނީ ލަންކާގެ މިނިވަން ދުވަހުގެ ތަހުނިޔާ އެގައުމުގެ ރައީސް އަނުރަ ކުމާރަ ދިސާނަޔަކަ އާއި ބޮޑުވަޒީރު ޑރ. ހަރީނީ އަމަރަސުރިޔާއަށާއި އެ ގައުމުގެ ސަރުކާރާއި ރައްޔިތުންނަށް ފޮނުއްވާފަ އެވެ.
