ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ސްރީލަންކާގެ އާ ބޮޑުވަޒީރު ޑރ. ހަރީނީ އަމަރަސޫރިޔާއަށް ތަހުނިޔާ ވިދާޅުވެއްޖެ އެވެ.
ސްރީލަންކާގެ 16 ވަނަ ބޮޑުވަޒީރުގެ ގޮތުގައި ހަރީނީ އަމަރަސޫރިޔާ މަގާމަށް މިއަދު އައްޔަންކުރެއްވީ އިއްޔެ އެ ގައުމުގެ ރައީސްގެ މަގާމުގެ ހުވާކުރައްވާފައިވާ އަނޫރާ ކުމާރަ ޑިސާނަޔަކަ އެވެ.
ސޯޝަލްމީޑިއާ މެދުވެރިކުރައްވައި ރައީސުލްޖުމްހޫރިއްޔާ ކުރެއްވި ތަހުނިޔާގެ ޕޯސްޓުގައި ރާއްޖެއާއި ސްރީލަންކާއާ ދެމެދުގައި އޮތް ދެމެހެއްޓެނިވި ގުޅުން އިތުރަށް ބަދަހިކުރެއްވުމަށް މަސައްކަތް ކުރައްވާނެ ކަމުގެ ޔަގީންކަން ދެއްވެވި އެވެ. އަދި ބޮޑުވަޒީރު ޑރ. ހަރީނީ އަމަރަސޫރިޔާގެ ޒައާމަތުގައި ސްރީލަންކާއަށް އިތުރު ކުރިއެރުން ލިބޭނެ ކަމަށް އުއްމީދުކުރައްވާ ކަމުގައިވެސް ވިދާޅުވި އެވެ.
ސްރީލަންކާގެ އާ ބޮޑުވަޒީރުކަމުގެ ހުވާ، ޑރ. އަމަރަސޫރިޔާ މިއަދު ކުރެއްވުމާއެކު އެ ކަމަނާ ވެގެން ގޮސްފައިވަނީ 2000 ވަނަ އަހަރާއި ހަމައަށް ބޮޑުވަޒީރުކަމުގެ މަގާމު ފުރުއްވި ސިރިމާވޯ ބަންޑާރަނައިކައަށްފަހު އެ މަގާމު ފުރުއްވާ ފުރަތަމަ އަންހެން ބޭފުޅާ އަށެވެ.