ރިސޯޓު ތަރައްގީކުރަން އެމްއާރްއޭސީ ޕްރައިވެޓް ލިމިޓެޑަށް ކުއްޔަށް ދޫކޮށްފައިވާ ފަޅަށް ޓޫރިޒަމް މިނިސްޓަރު ތޯރިގު އިބްރާހީމް ޒިޔާރަތްކުރައްވައިފި އެވެ.
ޓޫރިޒަމް މިނިސްޓްރީން ބުނި ގޮތުގައި މިއީ އެ ސަރަހައްދުގައި ތަރައްގީކުރަމުންދާ ރިސޯޓުތަކުގެ މަޝްރޫއުގެ މަސައްކަތް ބައްލަވާލެއްވުމަށް މިނިސްޓަރު ތޯރިގު ކުރެއްވި ޒިޔާރަތެކެވެ.
މި ޒިޔާރަތުގައި މަޝްރޫއުގެ މުހިންމު ލަނޑުދަނޑިތަކުގެ މައުލޫމާތު މިނިސްޓަރު ތޯރިގާ ވަނީ ހިއްސާކޮށްފަ އެވެ.
ރިސޯޓު ތަރައްގީކުރަން އެމްއާރްއޭސީ ޕްރައިވެޓް ލިމިޓެޑަށް ކުއްޔަށް ދޫކޮށްފައިވާ ފަޅުގައި މަސައްކަތް ކުރިއަށްދާ ގޮތް ޓޫރިޒަމް މިނިސްޓަރު ތޯރިގު ބައްލަވާލައްވަނީ -- ފޮޓޯ: ޓޫރިޒަމް މިނިސްޓްރީ
މީގެ އިތުރުން މަޝްރޫއުގެ ސައިޓް ތައްޔާރުކުރުމުގެ މަސައްކަތްތަކާއި ހިއްކާފައިވާ ބިމާއި ގޮނޑުދޮށް ހިމާޔަތްކުރުމުގެ މަސައްކަތް މިނިސްޓަރު ތޯރިގު ބައްލަވާލެއްވި އެވެ.
މި ވަގުތު ރާއްޖޭގައި 180 ރިސޯޓު ހިންގަމުންދާއިރު މި އަހަރު އިތުރު ހަ ރިސޯޓެއް ހުޅުވުމަށް ދަނީ ތައްޔާރުވަމުންނެވެ.