މޫސުމަށް އަންނަ ބަދަލުތަކާއި ގުޅިގެން، ކޮޕް 21 ގައި އެކުލަވާލެވުނު ޕެރިސް އެގްރީމަންޓަށް ރާއްޖެއިން އަމަލު ކުރަން ރައްޔިތުން މަޖިލީހުން ރުހުން ދީފި އެވެ.
ދައުލަތުގައި، ވެރިކަން ކުރާ ފަރާތަކުން ބައިވެރިވާ ބައިނަލްލަގުވާމީ މުއާހަދާތަކަށް އަމަލު ކުރަންވާނީ މަޖިލީހުން ފާސް ކުރުމުން ކަމަށް ގާނޫނޫގައި ބުނެފައިވުމުން ޕެރިސް އެގްރީމަންޓަށް ރާއްޖެއިން އަމަލު ކުރުމާއި ބެހޭ މައްސަލަ މަޖިލީހަށް ރައީސް ފޮނުވީ މިދިޔަ ހޯމަ ދުވަހުގަ އެވެ.
އެގޮތުން ގައުމީ ސަލާމަތާއި ބެހޭ ކޮމިޓީ އިން ދިރާސާ ކުރެއްވި ގޮތައް މިއަދުގެ މަޖިލީހުގައި ޕެރިސް އެގްރީމަންޓަށް ރުހުން ދިނީ 67 މެމްބަރުންގެ ވޯޓުންނެވެ. އަދި އެ އެގްރީމަންޓަަށް ރާއްޖެއިން އަމަލު ކުރަން ނުފެންނަ ކަމަށް އެއް މެމްބަރަކު ވޯޓު ދެއްވި އެވެ. އެހެން ކަމުން ޕެރިސް އެގްރީމަންޓަށް ރާއްޖެއިން އަމަލު ކުރަން މަޖިލީހުން ރުހުން ދިނެވެ.
ޕެރިސް އެގްރީމަންޓުގެ ތެރޭގައި ޖައްވަށް ބޭރުކުރާ ގްރީން ހައުސް ގޭހުގެ މިންވަރު މަދުކޮށް ބެލެންސް ކުރުމާއި ފިނިހޫނުމިން ދެ ޑިގްރީ ސެލްސިއަސް އަށް ވުރެ ދަށްކުރުން ގުޅިގެން މަސައްކަތް ކުރުން ހިމެނެ އެވެ. މިމަސައްކަތް ކުރިޔަށް ދާގޮތް ރާއްޖެއިން ވެސް ކޮންމެ ފަސް އަހަރަކުން މުތޯލިއާ ކުރަން ޖެހޭ އިރު 2020 ގެ ފަހުން ތަރައްގީވަމުން އަންނަ ގައުމުތަކަށް އަހަރަކު 100 ބިލިއަން ޑޮލަރުގެ އެހީ ލިބެ އެވެ.
ކޮޕް21 ސަމިޓްގެ މަޝްވަރާތަކަށް ފަހު ތިމާވެށީގެ ތާރީހީ އެއްބަސްވުމަކަށް ބޮޑެތި ގައުމުތަކުން އައުން: ރާއްޖެއިން ވެސް މި އެއްބަސް ވުމަށް އަމަލު ކުރަން މަޖިލީހުން ރުހުން ދީފި--