އަރިއަތޮޅުގައި ހިންގާ "ލަކްސް މޯލްޑިވްސް" ރިސޯޓަށް ދެމެހެއްޓެނިވި ޓޫރިޒަމަށް ދޭ ސެޓުފިކެޓެއް ލިބިއްޖެ އެވެ.
"ޓްރެވަލް" ނިއުސްގައިވާ ގޮތުން ލަކްސް މޯލްޑިވްސް އަށް ޓްރެވަލް ލައިފް ގޯލްޑް ސެޓްފިކޭޝަން ލިބިފައިވަނީ އެ ރިސޯޓުން ތިމާވެށި ރައްކާތެރިކުރުމަށް ކުރިއަށް ގެންދާ ކަންތައްތަކަށް ބެލުމަށްފަހު އެވެ. މި ސެޓްފިކެޓް އެ ރިސޯޓަށް ލިބުމުގައި ޓޫރިސްޓުންގެ މެދުގައި ތިމާވެއްޓަށް ސަމާލުކަން ދިނުމަށް ހިންގާފައިވާ ޕްރޮގްރާމްތައް ވެސް ހިމެނެ އެވެ.
ލަކްސް ކުންފުނިން "ދިއްދޫ ފިނޮޅު" ގައިވެސް މިހާރު ރިސޯޓެއް ދަނީ ހިންގަމުންނެވެ. މި ރިސޯޓަކީ ދުނިޔޭގެ ނިސްބަތުންވެސް ފުރިހަމަ ރިސޯޓެކެވެ.