ރާއްޖެ އައި ފްލައިޓްގެ އަދަދާއި ފަތުރުވެރިންގެ އަދަދުވެސް އިތުރުވެއްޖެ

މިއަހަރުގެ ފުރަތަމަ 10 މަސްދުވަހު ރާއްޖެއަށް އައި އިންޓަނޭޝަނަލް ފްލައިޓްތަކުގެ އަދަދު އިތުރުވެއްޖެކަން އެމްއެމްއޭގެ ރިޕޯޓަކުން ހާމަވެއްޖެ އެވެ.

މި ރިޕޯޓުން އެނގޭ ގޮތުގައި މިމުއްދަތުގެ ތެރޭގައި ރާއްޖެ ޒިޔާރަތްކޮށްފައިވާ ފަތުރުވެރިންގެ އަދަދުވެސް ވަނީ އިތުރުވެފަ އެވެ.

ރިޕޯޓުގައިވާ ގޮތުން މި އަހަރުގެ ފުރަތަމަ 10 މަސް ދުވަހު ރާއްޖެއަށް ޖުމްލަ 13،671 ބައިނަލްއަގްވާމީ ފްލައިޓް އައިސްފައިވެ އެވެ. މިއީ މިދިޔަ އަހަރުގެ އެ މުއްދަތާއަޅާބަލާއިރު 653 ފްލައިޓްގެ އިތުރުވުމެކެވެ.

މިހިނގާ ޑިސެމްބަރު 17 ވަނަ ދުވަހުގެ ނިޔަލަށް ރާއްޖެއަށް 1.9 މިލިޔަން ފަތުރުވެރިން އައިސްފައިވެ އެވެ. މިއީ މިދިޔަ އަހަރުގެ އެ މުއްދަތާ އަޅާބަލާއިރު 5.6 އިންސައްތަ އިތުރު އަދަދެކެވެ.

ސަރުކާރުން މި އަހަރަށް އަމާޒު ހިފާފައިވަނީ ދެ މިލިއަން ފަތުރުވެރިން ރާއްޖެ ގެނައުމަށެވެ. މިހާރު އެ އަމާޒަށް ވާސިލްވުމަށް އިތުރަށް ބޭނުންވަނީ 58،805 ފަތުރުވެރިންނެވެ.