ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ޓާމިނަލް ހެދުމުގައި މަސައްކަތުގައި އުޅޭ ބިދޭސީންތަކެއްގެ މެދުގައި މާރާމާރީ މިއަދު ހިންގައި ގިނަ ބަޔަކަށް އަނިޔާވެގެން ފަރުވާ ދޭން ފަށައިފި އެވެ.
އަނިޔާވި މީހުންނަށް ފަރުވާ ދެނީ ހުޅުމާލެ ހޮސްޕިޓަލާއި ޓްރީ ޓޮޕް ހޮސްޕިޓަލް ގައެވެ.
މާރާމާރީއެއް ހިންގާފައިވާކަން ފުލުުހުން ޔަގީންކޮށްދިން ނަމަވެސް މާރާމާރީ ހިންގި ސަބަބެއް ފުލުހުން ނުބުނެ އެވެ.
ދެ ހޮސްޕިޓަލްގައި އަނިޔާވި މީހުންނަށް ފަރުވާ ދިން ނަމަވެސް އެއްވެސް މީހަކަށް ސީރިއަސް އަނިޔާއެއް ލިބިފައި ނުވާ ކަމަށްވެ އެވެ.
މާރާމާރީ ހިންގާފައިވަނީ ޗައިނާ ބަޔަކާއި އަރަބި ގައުމަކަށް ނިސްބަތްވާ ބައެއްގެ މެދުގައި ކަމަށް މައުލޫމާތު ލިބެ އެވެ.
