ޖަރުމަނު ބޮރޫޝިޔާ ޑޯޓްމުންޑާއި ސްޕޭނުގެ ރެއާލް މެޑްރިޑް އަދި އިނގިރޭސިވިލާތުގެ މެންޗެސްޓާ ސިޓީ ޗެމްޕިއަންސް ލީގު މޮޅަކުން ފަށައިފި އެވެ.
ވިއްސާރައިގެ ސަބަބުން ރޭ ކުޅެން ލަސްކުރި މެޗު ބޮރޫޝިޔާ މޮންޗެންގަލްޑަބަޗާ ވާދަކޮށް މެންޗެސްޓާ ސިޓީ ކާމިޔާބު ކުރީ 4-0އިންނެވެ. ސާޖިއޯ އަގުއެރޯ ހެޓްރިކް ހެދި ފަހުން ފަހު ގޯލު ޖެހީ ޅެނާޗިއޯ އެވެ.
އެންމެ ފަހުގެ ޗެމްޕިއަން ރެއާލް މެޑްރިޑް މޮޅުވީ ފަހު ވަގުތު ކްރިސްޓިއާނޯ ރޮނާލްޑޯ އާއި އަލްވާރޯ މޮރާޓާ ޖެހި ދެ ގޯލުންނެވެ.
ޑޯޓްމުންޑް މޮޅުވީ ލެގިއާއާ ވާދަކޮށް 6-0އިންނެވެ. ޓޮޓެންހަމް ބަލިވީ މޮކާނޯ އަތުން 2-1އިންނެވެ.
