އެމެރިކާގެ ނިއު ޖާޒީގެ ރެއިލްވޭ ސްޓޭޝަނެއްގައި ރޭލް އެކްސިޑެންޓެއް ހިނގައި ތިން މީހުން މަރުވެއްޖެ އެވެ. މި އެކްސިޑެންޓްގައި 100 އަށްވުރެ ގިނަ މީހުންނަށް ވަނީ ސީރިއަސް އަނިޔާތަކެއް ލިބިފަ އެވެ.
މި އެކްސިޑެންޓް ހިނގާފައިވަނީ ރޭލް ކޮންޓްރޯލް ނުވެ ގޮސްހޯބޯކެން ސްޓޭޝަންގެ ތެރެއަށް ވަދެގެނެވެ. އެކްސިޑެންޓްގައި ރޭލަށައި ސްޓޭޝަނަށްވަނީ ބޮޑެތި ގެއްލުންތަކެއް ލިބުނެވެ.
އެކްސިޑެންޓް ހިނގިއިރު ޓްރެއިން އަދި ސްޓޭޝަންގައި ތިބި ގިނަ ބަޔަކު ސްޓޭޝަން ތެރޭގައި ތާށިވެފައިވާ ކަމަށް ބެލެވޭ ކަމަށް ރިޕޯޓުތައް ބުނެ އެވެ. ހޯބޯކެން ސްޓޭޝަނަކީ ނިއު ޖާޒީގެ އެންމެ ބިޒީ އެއް ރެއިލްވޭ ސްޓޭޝަން އެވެ.