އެމެރިކާގެ މަޝްހޫރު ވިޔަވާރިވެރިޔާ އީލޮން މަސްކްއާ އެ ގައުމުގެ ވެރިކަން ހަވާލުކޮށްފި ކަމަށް ބުނެ ދެކެވޭ ވާހަކަތަކުގައި ހަގީގަތެއް ނެތް ކަމަށް އިންތިޚާބީ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ޓްރަމްޕް އަދި ވިދާޅުވީ އޭނާގެ މައްޗަށް ބަސް ވިދާޅުވުމަށް މަސްކަށް ފުރުސަތު ހޯންނަ ކަމަށެވެ.
އަދި އިންތިޚާބީ ރައީސްގެ ހައިސިއްޔަތުން އޭނާ ނިންމަވާ އެއްވެސް ނިންމެވުކަށް ގޮތްފޮޔް ކިޔުމަށް އެއްވެސް މީހަކަށް ޖާގަނުދެއްވާ ކަމަށްވެސް އޭނާ ވިދާޅުވި އެވެ.
އެމެރިކާ މީހުންގެ މެދުގައި ޓްރަމްޕަށް ވުރެ މަސްކަށް އޮތް ތާއީދު ބޮޑު ކަމަށް ސޯޝަލް މީޑިއާ ޕޯސްޓްތަކުން ދޭހަވެ އެވެ. އެކަމަކު މިއީ އިންތިޚާބީ ރައީސަށް އޮތް ރައީސްކަމުގެ ބާރު މަސްކާ ހަވާލުކުރާ ވަރުގެ މަޝްހޫރުކަމެއް ނޫނެވެ.
މަސްކަށް އޮތް ތާއީދު މި ދަނޑިވަޅާ ދިމާކޮށް އިތުރުވެގެން އުޅޭ ސަބަބަކީ، ގާނޫންހަދާ މަޖިލީހުގައި ބަހުސަށް އޮތް ބަޖެޓު ބިލެއް ހުއްޓުވުމުގައި މަސްކްގެ ދަރުރު ބޮޑުވުމެވެ.
ގާނޫންހަދާ މަޖިލީހުން ކަމެއް ނިންމުމުގައި މަސްކަށް ކާމިޔާބުލިބޭނީ ޓްރަމްޕަށް ނުފޫޒުފޯރުވައިގެން ކަމަށްވެސް މީޑިއާގައި ވާހަކަދެކެވެ އެވެ.
ޓްރަމްޕް ވިދާޅުވި ގޮތުން އީލޮން މަސްކް އަކީ އެމެރިކާގެ ރައީސްގެ މަގާމަށް ޝަރުތުހަމަވާ މީހެއް ނޫނެވެ. ސަބަބަކީ އޭނާ އަކީ އެމެރިކާއަށް އުފަން މީހަކަށް ނުވުމެވެ.
އީލޮން މަސްކް އަކީ މިހާރު އެމެރިކާގެ ރައްޔިތެއް ނަމަވެސް، އޭނާ އުފަންވީ ދެކުނު އެފްރިކާއަށެވެ. މިހެން ކަން އޮތުމުން އެމެރިކާގެ ރައީސް ކަމަށް ކުރިމަތިލުމަށް މަސްކް ޝަރުތުހަމެއް ނުވެ އެވެ.