އެމެރިކާގެ ކުރީގެ ރައީސް ޑޮނަލްޑް ޓްރަމްޕް އަވަހާރަކޮށްލަން އެމެރިކާ ރައްޔިތުން ހަމަ ބޭނުންވަނީތޯ ވިޔަފާރިވެރިޔާ އީލޮން މަސްކް ވިދާޅުވެއްޖެ އެވެ.
ޑޮނަލްޑް ޓްރަމްޕް އަވަހާރަކޮށްލަން ފާއިތުވި ތިން މަސް ދުވަހުގެ ތެރޭގައި ދިން ދެވަނަ ހަމަލާއިން އޭނާ ވަނީ ސަލާމަތްވެފަ އެވެ.
މި ހަމަލާއާ ގުޅިގެން މަސްކް ސުވާލުކުރެއްވީ ބައިޑަން އާއި ހެރިސް އަވަހާރަކޮށްލަން އެއްވެސް މީހަކު ހަމަލާނުދެނީ ކީއްވެތޯ އެވެ.
ޓެސްލާ އަދި ސްޕޭސް އެކްސްގެ ވެރިޔާ އީލޮން މަސްކް އަކީ ޑޮނަލްޑް ޓްރަމްޕްގެ ވަރަށް އަރިސް ބޭފުޅެކެވެ.
ޖުލައި 13 ގައި ޕެންސިލްވޭނިއާގައި އޮތް ކެމްޕެއިން އެއްވުމެއްގައި ރިޕަބްލިކަން ކެންޑިޑޭޓް ޑޮނަލްޑް ޓްރަމްޕް ވާހަކަދައްވަނިކޮށް މީހަކު ބަޑިން ދިން ހަމަލާއެއްގައި ވަޒަން އެރީ ޓްރަމްޕްގެ ކަނާތު ކަންފަތަށެވެ.
މި ހަމަލާއަށް ފަހު މަސްކް ވަނީ އޭނާގެ ހިފެހެއްޓުމެއް ތާއީދު ޑޮނަލްޑް ޓްރަމްޕަށް އޮތްކަން އާންމުކުރައްވާފަ އެވެ. އަދި ކެމްޕޭނަށް ހަރަދުކުރައްވާނެ ކަމަށްވެސް މަސްކް ވިދާޅުވި އެވެ.
އީލޮން މަސްކް ވިދާޅުވި ގޮތުގައި ކަމަލާ ހެރިސްއަށް އެމެރިކާގެ ރައީސްކަން ލިބިވަޑައިގެންފިނަމަ، އިންސާނުން މާސްގައި އާބާދުވަމަށް ދެކެމުން އަންނަ ހުވަފެންތަކުގައި ދުވަހަކުވެސް އަސްލު ސިފަ ނުޖެހޭނެ އެވެ.
މަސްކްގެ އަމިއްލް މައިކްރޮބްލޮގިން ނެޓްވޯކް އެކްސްގައި ޕޯސްޓްކުރައްވައި ވަނީ ސުވާލުތަކެއް ކުރައްވާފަ އެވެ.
ޑޮނަލްޑް ޓްރަމްޕް ވެރިކަމަށް ކުރިމަތިލައްވާ ކޮންމެ ފަހަރަކު އެމެރިކާ ރައްޔިތުން އެހާ ބޮޑަށް ހާސްވަނީ ކީއްވެތޯ މަސްކް ސުވާލުކުރެއްވި އެވެ. ޑޮނަލްޑް ޓްރަމްޕް އަކީ އަަވަހާރަކޮށްލަން ޖެހޭ ވަރުގެ ނުރައްކާތެރި ބޭފުޅަކީތޯވެސް މަސްކް ސުވާލުކުރެއްވި އެވެ.
އީލޮން މަސްކު ނޫނަސް، ޓްރަމްޕް އަވަހާރަކޮށްލަން އޮތް ޝައުގުވެރިކަން ހޯދުމަށް ކިތަންމެ ބަޔަކު ވަނީ ސުވާލުކޮށްފަ އެވެ.
ޓްރަމްޕް އަވަހާރަކޮށްލަން އުޅެނީ ކިއްވެތޯއޭ ބުނެ އެކްސްގައި ވަރަށް ގިނަ މީހުން އަންނަނީ ސުވާލުކުރަމުންނެވެ.