ރަޝިއާގެ ވެރިންނާއެކު އެމެރިކާގެ ވިޔަފާރިވެރިޔާ އީލޮން މަސްކް ވަރަށް ގާތް ގުޅުންތަކެއް ބާއްވަވާ ކަމަށް ބުނެ އެމެރިކާގެ އޮންލައިން ނޫސް، ވޯލް ސްޓްރީޓް ޖާނަލުން ހަދަނީ ދޮގު ކަމަށް އޭނާ ވިދާޅުވެއްޖެ އެވެ.
އީލޮން މަސްކް މިހެން ވިދާޅުވެފައި މިވަނީ، ރަޝިއާ ސަރުކާރުގެ ވެރިންނާ އެކު މަސްކް ގެންގުޅުއްވާ ގާތް ގުޅުންތައް ތަހުގީގުކޮށް އޭނާއަށް އަދަބު ދިނުމަށް، ގާނޫންހަދާ މަޖިލީހުގައި ޑިމޮކްރެޓިކް ޕާޓީ ތަމްސީލްކުރައްވާ ޖެކް ރީޑް ގޮވާލައްވާފައި ވަނިކޮށެވެ.
މަސްކް ވިދާޅުވީ އޭނާއަށް ބަޔަކު ކުރާ ތުހުމަތު ވަރަށް ރަނގަޅަށް ބައްލަވާނެ ކަމަށެވެ. އަދި އެ މީހުން ތުހުމަތުކުރާ ކަހަލަ ނަތީޖާއެއް ނުނިކުމެއްޖެ ނަމަ -- އެ ބައެއްގެ ޒަމާން ދުއްވާލައްވާނެ ކަމަށެެވެ.
އީލޮން މަސްކް އަކީ ރަޝިއާގެ ރައީސް ލަޑިމިއާ ޕޫޓިންގެ ވަރަށް އަރިސް ބޭފުޅެއް ކަމަށް އަބަދުވެސް ބުނެވެ އެވެ. އެމެރިކާ ސަރުކާރުން ރަޝިއާއާ ދެކޮޅަށް މިހާރު އަޅާފައި ހުރި އިގުތިސާދީ އަދި މާލީ ދަތިކުތުންތަކުގެ ސަބަބުން، ފާޅުކަން ބޮޑު ގޮތެއްގައި ޕޫޓިންއާ ބައްދަލުކުރައްވަން މަސްކަށް ކެރި ވަޑައިނުގަންނަވަނީ ކަމަށް ވެސް ރިޕޯޓްތައް ބުނެ އެވެ.
ޕޫޓިންއާ އެކު އެހާ ގާތް ގުޅުމެއް މަސްކް ބާއްވަވަނީ މަސްކްގެ ޖައްވީ ވިޔަފާރި -- ސްޕޭސްއެސް ތަރައްގީކުރުމަށް ކަމަށްވެސް ބުނެވެ އެވެ. ރަޝިއާއާ ގުޅިގެން ޖައްވީ ވިޔަފާރީގައި ކުރިހޯއްދެވުމަކީ މަސްކުގެ މަގުސަދެއް ކަމަށް ވެސް ބުނެވެ އެވެ.
ރަޝިއާގެ ޖައްވީ މަސައްކަތްތައް އެމެރިކާއަށް ވުރެ އުޅެނީ ކުރީގަ އެވެ. ރަޝިއާގެ ޖައްވާ ދަތުރުަތައް އެމެރިކާގެ ނާސާއިން ކުރާ ދަތުރުތަކަށް ވުރެ ރައްކާތެރި އެވެ.
އިންޓަނޭޝަނަލް ސްޕޭސް ސްޓޭޝަނަށް މި ފަހުން އެމެރިކާގެ ޖައްވީ ފަޅުވެރިންނާއި ކާބޯ ތަކެތި އުފުލާފައި ރަޝިއާގެ ސޮޔުޒު ރޮކެޓްތަކުގަ އެވެ.
ޖައްވީ ދަތުރުތަކުގައި އެމެރިކާއިން ބޭނުންކުރި އުޅަނދުފަހަރަށް ވުރެ، ރަޝިއާގެ ސޮޔުޒް ރޮކެޓްތައް މާބޮޑަށްވެސް ރައްކާތެރި އެވެ.
ރިޕޯޓްތައް ބުނާ ގޮތުން އީލޮން މަސްކްގެ ވިސްނުމަކީ ވެސް، ރަޝިއާގެ ޖައްވީ ޓެކްނޮލޮޖީގައި މާސްއަށް އިންސާނުން ފޮނުވުމެވެ.
އެމެރިކާގެ އިންތިޚާބީ ރައީސް، ޑޮނަލް ޓްރަމްޕަށް ކެމްޕޭންކޮށް ދެއްވިއިރު މަސްކް ވަނީ ޓްރަމްޕަށް ވެރިކަން ލިބިވަޑައިގެންފި ނަމަ، އެމެރިކާ މީހުން މާސްއަށް ފޮނުއްވާނެ ކަމަށް ވިދާޅުވެފަ އެވެ.