ތުރުކީ އަދި އަސްކަރީ ގޮތުން ތުރުކީއާ އެކުވެރިކަން އޮންނަ ޖަމާއަތްތަކުން، ތުރުކީ - ސީރިއާ ބޯޑަރަށް ސިފައިން ޖަމާކުރަނީ އެވެ. މިއީ ސީރިއާގައި ދިރިއުޅޭ ކުރިދީންނަށް ހަމަލާދިނުމަށް ތައްޔާރުވުމުގެ މަރުހަލާއެއް ކަމަށް މީޑިއާ ރިޕޯޓްތައް ބުނެ އެވެ.
ތުރުކީގެ އަސްކަރީ ހަރަކާތްތައް ހުއްޓުވައިދިނުމަށް ކުރުދީންގެ ފަރާތުން -- އެެމެރިކާގެ އިންތިޚާބީ ރައީސް ޑޮނަލްޑް ޓްރަމްޕަށް ހުށަހަލާފައިވާ ކަމަށްވެސް ރިޕޯޓްތައް ބުނެ އެވެ.
އެމެރިކާގެ އޮންލައި ނޫސް، ވޯލް ސްޓްރީޓް ޖާނަލުން ބުނާ ގޮތުން، ތުރުކީން ބޯޑަރު ހުރަސްކޮށް ސިފައިން ގޮވައިގެން ސީރިއާއަށް ވަނުން މަޑުޖައްސާލަށް އެމެރިކާއިން ވަނީ އެދިފަ އެވެ.
ސީރިއާގައި ދިރިއުޅޭ ކުރުދީންގެ ފަރާތުން އިލްހާމް އަހުމަދު -- ސިވިލީއަން އެޑްމިނިސްޓްރޭޝަން އޮފިޝަލަކު ވިދާޅުވި ގޮތުން، ތުރުކީގެ އަމަލުތައް ފެންނަ ގޮތް ބަޔާކޮށް ޑޮނަލްޑް ޓްރަމްޕަށް ވާނީ ސިޓީއެއް ފޮނުވާފަ އެވެ.
އިލްހާމް އަހުމަދު ބުނީ ތުރުކިގެ ފައުޖުތައް ލޮލުކޮޅަށް ފެންނަ ހިސާބަށް ކައިރިކޮށްފި ކަމަށާއި ތުރުކީގެ ރައީސް ރަޖަޕް ތައްޔިބު އުރުދުޣާންއަށް ކޮންމެވެސް ނަސޭހަތެއް ދެއްވުމަށް ޓްރަމްޕްގެ ކިބައިން އެދިފައި ވާނެ ކަމަށެވެ.
ތުރުކީ ސިފައިން، ތުރުކީ - ސީރިއާ ބޯޑަރަށް ޖަމާކުރުމާ ބެހޭ ގޮތުން ތުރުކީން އަދި ވާހަކައެއް ނުދައްކަ އެވެ. ތުރުކީން ބުނީ އަސަދުގެ ސަރުކާރު ވެއްޓުމާ އެކު ތުރުކީއަށް ހުރި ސަރަހައްދީ ނުރައްކާތައް ނައްތާލާނެ ކަމަށެވެ.