ހަލަބުގެ އިރުމަތީ ބިތުގައި ހުންނަ އެ ސިޓީގެ އެންމެ ބޮޑު ހޮސްޕިޓަލަށް، ދަގަނޑުގެ މާއްދާތަކުން ހަދާފައިވާ ބޮމުގެ ހަމަލާއެއް އަނެއްކާވެސް ދީފިއެވެ.
މެޑިކަލް އޮގަނައިޒޭޝަނުން ބުނީ އެފަދަ މާއްދާތަކުން ހަދާފައިވާ ބޮމުގެ ދެ ހަމަލާ އެ ހޮސްޕިޓަލަށް އަމާޒުވި ކަމަށެވެ. މީގެ ކުރިންވެސް އެ ހޮސްޕިޓަލަށް ވަނީ ބޮމުގެ ހަމަލާއެއް ދީފައެވެ.
ސީރިޔަން އެމެރިކަން މެޑިކަލް ސޮސައިޓީގެ އޮފިޝަލެއް ކަމަށްވާ އަދުހަމް ޝަލޫލު ވިދާޅުވީ "އެމްއައި 10" ހޮސްޕިޓަލަށް "މެޓަލް ބޮމުގެ ދެ ހަމަލާ އަމާޒުވި ކަމަށާއި ކްލަސްޓާ ބޮމުގެ ހަމަލާއެއްވެސް ހިމެނޭ" ކަމަށެވެ.
އަލްޖަޒީރާއިން ބުނީ މިހާރު ހިދުމަތް ދެމުން ދަނީ އެ ހޮސްޕިޓަލްގެ އެއް ބައިގައި ކަމަށެވެ.
ސީރިޔަން އޮބްޒަވޭޓްރީ ފޯ ހިޔުމަން ރައިޓްސް އިން ބުނީ ހަމަލާގައި އެކަކު މަރުވެފައިވަ ކަމަށާއި އެއީ ހޮސްޕިޓަލްގައި ފޯރުވާ ހޯދަމުން ދިޔަ މީހެއް ކަމެއް ނުވަތަ ހޮސްޕިޓަލްގެ މުވައްޒިފެއްކަމެއް އެނގިފައެއް ނުވެއެވެ.
"ވައިޓް ހެލްމެޓްސް (އެހީދޭ ޖަމައތެއް) ގެ މެންބަރުންނާ އަހަރެމެން ވާހަކަ ދައްކައިފިން އެމީހުން ބުނި ހޮސްޕިޓަލްގައި އެ ވަގުތު 60 މީހުންނަށް ފަރުވާ ދެމުން ދިޔަ ކަމަށް. އަދި އޭގެ ތެރެއިން ބައެއް މީހުން ވަނީ އެ ސަރހައްދުގައިވަ ކްލިނިކަކަށް ބަދަލުކޮށްފަ" ސީރިޔަން އޮބްޒަވޭޓްރީ ފޯ ހިޔުމަން ރައިޓްސްގެ އޮފިޝަލް ވިދާޅުވިއެވެ.