ކަޝްމީރުގެ އިންޑިއާވީ ފަޅިގެ އަސްކަރީ ކޭމްޕަކަށް އިއްޔެ ހަވީރު ދިން ހަމަލާއެއްގައި އިންޑިއާގެ ސިފައިންގެ މީހަކު މަރުވެއްޖެ އެވެ.
ރިޕޯޓްތައް ބުނާ ގޮތުން ކަޝްމީރުގެ ބަރަމުލާ ސަރަހައްދުގައި ހުންނަ ކޭމްޕަށް ދިން ހަމަލާގައި މަރުވެފައިވަނީ ރަޝްޓްރިޔާ ކިޔާ 46 އަހަރުގެ މީހެކެވެ.
އިންޑިއާގެ އަސްކަރީ ކޭމްޕަށް ހަމަލާ އަމާޒުވެފައިވަނީ ޕާކިސްތާނާއި އިންޑިއާގެ ސިފައިން ދެ ގައުމު ގުޅުވައިދޭ ބޯޑަރު ސަރަހައްދުގައި ހަމަލާ ބަދަލު ކުރިތާ އެއް ދުވަސް ފަހުންނެވެ.
އިންޑިއާގެ އަސްކަރިއްޔާގެފާރާތުން ޥަަހަކަ ދައްކަމުން ކާނަލް ރަޖޭޝް ކަލިއާ ވިދަޅުވީ ހަމަލާއަށްފަހު އިންޑިއާގެ އަސްކަރިއްޔާއާއި ހަނގުރާމަވެރިންނާ ދެމެދު ވަރުގަދައަށް ކުރިމަތިލުންތައް ހިނގި ކަމަށެވެ. އަދި ހަމަލާތަކުގައި އެކަކު ޒަހަމްވި ކަމަށްވެސް އޭނާ ވިދާޅުވި އެވެ.
އިންޑިއާ އާއި ޕާކިސްތާނާ ދެމެދު މަސްރަހު ގޯސްވެފައިވަނީ މިދިޔަ މަހު އިންޑިއާގެ ކަޝްމީރު ފަޅީގައި އިންޑިއާގެ އަސްކަރިއްޔާއާ ދިން ހަމަލައެއްގައި އަސްކަރިއްޔާގެ 17 ސިފައިން މަރުވުމާ ގުޅިގެންނެވެ. އިންޑިއާއިން މިހަމަލާގެ ތުހަުމަތު އަޅުވަނީ ޕާކިސްތާން ބޮލުގަ އެވެ. ނަމަވެސް ޕާކިސްތާނުން އެކަމަށް އިންކާރު ކުރެއެވެ.