ތައިލެންޑުން ކޮރަޕްޝަން ނައްތާލުމަކީ ތައިލެންޑްގެ މިހާރު ވެރިކަން ކުރަމުންދާ އަސްކަރީ ސަރުކާރުގެ ބޮޑުވަޒީރު ޕްރަޔަތު ޗަންއޯކާގެ ވައުދެކެވެ. އެކަމަށް އޭނާ ކަނޑައަޅާފައިވަނީ 20 އަހަރު ދުވަހެވެ. ކޮރަޕްޝަން ނައްތާލުމުގެ ވައުދުގެ ދަށުން ތައިލެންޑްގައި ކޮރަޕްޝަންގެ ހާއްސަ ކޯޓެއް ގާއިމު ކުރުމަށް ދަނީ ތައްޔާރު ވަމުންނެވެ.
މިއަދު ހުޅުވުމަށް ހަމަޖެހިފައިވާ މިކޯޓުން ފުރަތަމަވެސް އަމއްލައަށް އިސްނަގައިގެން 70 މައްސަލައެއް ބެލުމަށް ވަނީ ހަމަޖެހިފައެވެ. މިކޯޓަކީ އަމިއްލަ އަށް އިސްނަގައިގެން ކޮރަޕްޝަންގެ މައްސަލަތައް ކުރިއަށް ގެންދިއުމުގެ ބާރު ލިބިފައިވާ ކޯޓެކެވެ.
ތައިލެންޑްގެ ސަރުކާރުން އުންމިދު ކުރާ ގޮތުގައި ކޮރަޕްޝަން މައްސަލަ ބެލުމަށް ހާއްސަ ކޯތެއް ހުޅުވުމުން، ތައިލެންޑްގެ ޕްރައިވެޓް ސެކްޓާ އާއި ސަރުކާރު ދަށްފަންތީގެ ދެމެދުގައި ހިނގާ ކޮރަޕްޝަނާ ހަމަޔަށް ވާސިލުވެވޭނެއެވެ. ތައިލެންޑްގެ ސިޔާސީ މަސްރަހު ދިރާސާ ކުރަ ފަރާތްތަކުން އަންދާޒާ ކުރާ ކުރަ ގޮތުގައި އާންމު ކޯޓްތަކުގައި ފުނިޖެހިފައި ހުރި ކޮރަޕްޝަން މައްސަލަތަކަށްވުރެ އަވަހަށް، މައްސލަތައް ބަލައި މިކޯޓުން ނިންމާލާނެއެވެ.
މީގެ ދެ އަހަރު ކުރިން ތައިލެންޑްގެ އަސްކަރީ ސަރުކާރުން އިންގަލާބަކުން ވެރިކަމާ ހަވާލުވީ، ތައިލެންޑްގެ ސަރުކާރުތަކުގެ ކޮރަޕްޝަން އަމަލުތަކުގެ ސަބަބުން އިގްތިސޯދަށް ބޮޑެތި ގެއްލުންތަކެއް ވާން ފެށުމުން ކަމަށް ތައިލެންޑްގެ އަސްކަރިއްޔާއިން ބުނެއެވެ.