ތައިލެންޑާއެކު އެކުލަވާލާފައިވާ ޖޮއިންޓް ކޮމިޓީގެ ދެވަނަ ބައްދަލުވުން މިއަދު މާލޭގައި ފަށައިފި އެވެ. ހޮޓެލް ޖެންގައި ފެށި ޖޮއިންޓް ކޮމިޓީގެ މި ބައްދަލުވުމަކީ މާދަމާ އޮންނަ މިނިސްޓީރިއަލް ސެގްމެންޓަށް ތައްޔާރުވުމުގެގޮތުން ބާއްވާ ބައްދަލުވުމެކެވެ.
މި ބައްދަލުވުމުގައި މަޝްވަރާ ކުރަނީ ދެގައުމުގެ ދެމެދުގައި އިންވެސްޓްމަންޓް ކުރިއެރުވުމާއިި، ވިޔަފާރި އިތުރު ކުރުމަށްޓަކައި ކުރެވިދާނެ ކަންތައްތަކާއި ބެހޭގޮތުންނެވެ.
ޖޮއިންޓް ކޮމިޓީގެ މިނިސްޓީރިއަލް ސެޝަންގައި ރާއްޖޭގެ މިނިސްޓަ އޮފް އިކޮނޮމިކް ޑިވެލޮޕްމަންޓް އަދި ތައިލެންޑްގެ ކޮމާސް މިނިސްޓަރު އަޕިރާދި ޓެންޓްރަޕޯން ބައިވެރިވެވަޑައިގަންނަވާނެއެވެ.
ތައިލެންޑާއެކު ކުރިއަށްދާ ޖޮއިންޓް ކޮމިޓީގެ ބައްދަލުވުމުގެ ހަވާސާގައި، ދިވެހި ވިޔަފާރި ކުންފުނިތަކާއި ތައިލެންޑުގެ ވިޔަފާރި ކުންފުނިތަކުގެ ދެމެދުގައި ވިޔަފާރި އިތުރުކުރުމުގެ މަގްސަދުގައި ބިޒްނަސް ޓު ބިޒްނަސް މެޗް މޭކިން ސެޝަނެއް ވެސް ކުރިޔަށް ދާނެއެވެ. މި ސެޝަން ކުރިއަށް ގެންދިއުމަށް ހަމަޖެހިފައިވަނީ މާދަމާ ދަރުބާރެގޭގަ އެވެ.
މިކަމަށް ރާއްޖެ އައި ތައިލެންޑްގެ ބިޒްނަސް ޑެލިގޭޝަންގައި ހޮޓެލް ސަޕްލައިޒް، ގަހަނާ، ކޮންސްޓްރަކްޝަން މެޓީރިއަލް، ސްޕާ ޕްރޮޑަކްޓްސް، އަދި ކާބޯތަކެތީގެ ވިޔަފާރީގައި ހަރަކާތްތެރިވާ 30 އަށް ވުރެ ގިނަކުންފުނި ހިމެނެއެވެ.
ޖޮއިންޓް ކޮމިޓީގެ ބައްދަލުވުމުމުގައި ރާއްޖޭގެ ބައިވެރިވަނީ
• މިނިސްޓްރީ އޮފް އިކޮނޮމިކް ޑިވެލޮޕްމަންޓް
• މިނިސްޓްރީ އޮފް ފޮރިން އެފެއާޒް
• މިނިސްޓްރީ އޮފް ޓޫރިޒަމް
• މިނިސްޓްީ އޮފް ފިޝަރީޒް އެންޑް އެގްރިކަލްޗަރ
• މިނިސްޓްރީ އޮފް ހެލްތު
• މޯލްޑިވްސް އިންލެންޑް ރެވެނިއު އޮޓޯރިޓީ
• މޯލްޑިވްސް ފުޑް އެންޑް ޑްރަގް އޮތޯރިޓީ
ތައިލެންޑުން ބައިވެރިވަނީ
• މިނިސްޓްރީ އޮފް ކޮމާސް
• ޑިޕާޓްމަންޓް އޮފް ޓްރޭޑް ނެގޯސިއޭޝަންސް
• މިނިސްޓްރީ އޮފް ލޭބަރ
• ޑިޕާޓްމެންޓް އޮފް ފިޝަރީޒް
• މިނިސްޓްރީ އޮފް ޕަބްލިކް ހެލްތު
• ބޯޑް އޮފް އިންވެސްޓްމެންޓް އޮފް ތައިލެންޑް