ރާއްޖޭގެ ޗެސް ފެޑްރޭޝަންގެ ވޭތުވެދިޔަ ދެ އަހަރުގެ އޮޑިޓް ނުކޮށް އޮތުމުން، އޮޑިޓް ކުރުމަށް، އޮޑިޓް ފާމެއް ހޯދުމުގެ މަސައްކަތް އެ ފެޑްރޭޝަނުން ފަށައިފި އެވެ.
ޗެސް ފެޑްރޭޝަނުން ނެރެފައިވާ އިއުލާނެއްގައި ބުނެފައިވަނީ އެ ފެޑްރޭޝަންގެ ހާއްސަ އޮޑިޓެއް ކުރުމަށް ހަަމޖެހިފައިވާތީ އެ އޮޑިޓް ކުރުމަށް ހަމަޖެހިފައިވާ ފަރާތްތަކުން މިއަންނަ އަންގާރަ ދުވަހުގެ 3:00 ގެ ކުރިން މައުލޫމާތު ސާފްކުރުމަށް އެ ފެޑްރޭޝަނަށް ހާޒިރުވުން އެދޭ ކަމަށެވެ. އަދި މިމަހުގެ 26 ވަނަ ދުވަހުގެ 3:00 ޖެހުމުގެ ކުރިން އެސްޓިމޭޓް ހުށައެޅުމަށް ވެސް އެފެޑްރޭޝަނުން ވަނީ އެދިފަ އެވެ.
ހާއްސަ އޮޑިޓެއް ކުރުމުގެ ބޭނުމަކީ ކޮބައިތޯ ސުވާލުމުން ޗެސް ފެޑްރޭޝަންގެ ރައީސް ނޫހް ވިދާޅުވީ ހާއްސަ ވަނީ "އެ ފެޑްރޭޝަންގެ ވޭތުވެދިޔަ ދެ އަހަރުގެ އޮޑިޓް ނުކޮށް އޮތުމުން" ކަމަށެވެ.
ކޮންމެ އަހަރަކު އެއް ފަަރު އޮޑިޓެއް ކުރަން ޖެހޭއިރު ދެ އަހަރުގެ އޮޑިޓެއް ނުކޮށް އޮތީ ކިއްވެގެންތޯ ސުވާލު ކުރުމުން ނޫހް ވިދާޅުވީ "މާލީ ދަތި ތަކުގެ އިތުރުން ބައެއް ސަބަބުތައް ވެސް ކުރިމަތި ވުމުން" ކަމަށެވެ.
ސަރުކާރުގެ ފައިސާ ދޭ ގައުމީ ކުޅިވަރު އެސޯސިއޭޝަންތައް މިނިސްޓްރީ އޮފް ފިނޭންސް ގަބޫލު ކުރާ އޮޑިޓް ފާމެއްގެ ދަށުން ކޮންމެ އަހަރަކު އޮޑިޓް ކުރަން ޖެހެއެވެ.