ރާއްޖެ ފަރާތުން ސިންގަޕޫރަށް ކަނޑައަޅާ ސަފީރު ކަމަށް ކުރީގެ ޕްލޭނިން މިނިސްޓަރު ހަމްދޫން އަބްދުﷲ ހަމީދު ހަމަޖައްސުމަށް މާދަމާގެ ރައްޔިތުން މަޖިލީހުގެ ޖަލްސާގައި އެޖެންޑާކޮށްފި އެވެ.
ރައްޔިތުން މަޖިލީހުގެ މާދަމާގެ އެޖެންޑާކޮށްފައިވާ މަސައްކަތުގެ ތެރޭގައި ސިންގަޕޫރުގެ ސަފީރު ކަމަށް ހަމްދޫން ކަނޑައެޅުމަށްޓަކައި ރައީސުލް ޖުމްހޫރިއްޔާ ފޮނުވާފައިވާ މައްސަލަ ދިރާސާކުރަން ކޮމިޓީއަށް ފޮނުވުން އޮންނާނެ އެވެ. މީގެ އިތުރުން ތައިލެންޑަށް ރާއްޖެ ފަރާތުން ކަނޑައަޅާ ސަފީރެއްގެ ގޮތުގައި ފާތިމަތު އިނާޔާގެ ނަން ދިރާސާ ކުރެއްވުން ވެސް ހިމެނެއެވެ.
ރައްޔިތުން މަޖިލީހުގެ ފަހު ދައުރު ފެށިފަހުން ދެ ހަފްތާ ވެފައިވާ އިރު މާދަމާ ބާއްވަނީ ދެވަނަ ޖަލްސާ އެވެ. ނަމަވެސް ބައެއް ކޮމިޓީތަކުގެ މަސައްކަތްތައް މިދިޔަ ހަފްތާތެރޭގައި ކުރިޔަށް ގެންގޮސްފައި ވެއެވެ.