ތިލަފުށީ ބޭރުގައި އަޅާފައި އޮއްވާ އަލިފާން ރޯވި "ބަރޯސާ" ބޯޓުން މަދުވި ފަޅުވެރިޔާގެ އަނދާފައިވާ ކަށިތައް ފެނިއްޖެ އެވެ. އެމްއެންޑީއެފުން ބުނީ އެެއީ ކާކުކަން ދެނެގަތުމަށް އަނދާފައިވާ ހަށިގަނޑު ފުލުހުންނާއި ހަވާލުކޮށްފައިވާ ކަމަށް އެމްއެންޑީއެފުން ބުނެފި އެވެ.
އަދާފައިވާ މީހެއްގެ ހަށިގަނޑު ބަރޯސާ ބޯޓޫން ފެނިފައިވާއިރު، އެކަށިތައް ފެނުނީ ބޯޓުން މުޅިން އަލިފާން ނިއްވާލެވުނު ވެސް ފަހުންނެވެ. ބޯޓުން މުޅިން އަލފާން ނިއްވާލެވުނީ ވެސް ރޯވިތާ ދެ ދުވަސް ފަހުންވެ.
އެމްއެމްޑީއެފްގެ އިންފޮމޭޝަން ކޮމިޝަނަރު މޭޖާ އަދުނާން ވިދާޅުވީ، އަދާފައިވާ މީހެއްގެ ކަށިތަކެއް ބޯޓުގެ ތެރެއިން ފެނިފައިވާ ކަމަށެވެ. އަދި އެ ހަށިގަނޑު ވެރިފައި ކުރުމުމަށް ފުލުހުންނާއި ހަވާލުކޮށްފައިވާ ކަމަށާއި އެއީ އެމީހާއާ ބެހޭ މައުލޫމާތު ނޭނގޭތީ ކަމަށެވެ.
އަލިފާނުގެ އެ ހާދިސާގައި ބޯޓުގައި ރޯވި އަލިފާންގަނޑު މިހާރު ނިއްވާލެވިފައިވާއިރު، އަލިފާން ރޯވުމާ ގުޅިގެން ބޯޓަށް ލިބުނު ގެއްލުން އަދި އަންދާޒާކުރަން ނޭނގޭ ކަމަށް ވެސް އަދުނާން ވިދާޅުވި އެވެ.
ފުލުހުންގެ އިދާރާއިން ބުނީ އަނދާފައިވާ މީހެއްގެ ކަށިތަކެއް އެ އިދާރާއަށް ލިބިފައިވާ ކަމަށާއި އެ ހަށިގަނޑު ވެރިފައި ކުރުމަށް ގަލޮޅު މޯޗަރީއަށް ގެންގޮސްފައިވާ ކަމަށެވެ. ނަމަވެސް އެ މީހާއާ ގުޅޭ މައުލޫމާތުތަކެއް އަދި ޔަގީނަށް ބުނަން ނޭނގޭ ކަމަށެވެ.
މިހާދިސާ ހިނގިއިރު ބޯޓުގައި ތިބީ 19 ފަޅުވެރިންނެވެ. ނަމަވެސް ހާދިސާ ހިނގި ފަހުން ތިބީ 18 ފަޅުވެރިންނެވެ. އެހެންކަމުން ބޮޑަށް ލަފާކުރެވެނީ އަނދާފައިވަނީ އެ ބޯޓުގެ ބިދޭސީ ފަޅުވެރިއެއް ކަމަށެވެ.
ބޯޓުގައި އަލިފާން ރޯވިއިރު ހުރީ، މިފްކޯއިން ތައިލެންޑަށް ފޮނުވާލުމަށް ތައްޔާރުކޮށްފައިވާ 15 ޓަނުގެ މަހެވެ. ހާދިސާ ހިނގި އިރު އެ ބޯޓު އޮތީ މާލެ އާއި ތިލަފުއްޓާއި ދޭތެރޭގައި އަޅާފަ އެވެ. އަލިފާން ރޯވެފައިވަނީ ބޯޓުގެ ފަލްކާގަ އެވެ. ބޯޓަކީ މިފްކޯގެ ބޯޓެއް ނޫނެވެ. އެއީ މެރިން މޯލްޑިވްސް ޕްރޮޑަކްޓްގެ ބޯޓެކެވެ.
އަލިފާން ރޯވެ އަނދަމުންދާ ބަރޯސާ ބޯޓު: ބޯޓުން އަނދާފައިވާ މިނިކަށިތަކެއް ވަނީ ފެނިފައި -- ފޮޓޯ: ކިޔުންތެރިއެއް