ޕޮލެންޑްގައި ނޫސްވެރިކަމުގެ މިނިވަންކަން ހަނިކުރާ ބިލެއް އެ ގައުމުގެ ސަރުކާރުން މަޖިލީހަށް ފޮނުވުމަށް ތައްޔާރު ވަމުންދާތީ އެކަމާ ދެކޮޅަށް ޕޮލްންޑްގެ ނޫސްވެރިންނާއި އާންމުން މަގުތަކަށް ނިކުމެ މުޒާހަރާ ކުރަން ފަށައިފި އެވެ.
މިއަދަކީ ސިލްސިލާ ކޮށް ކުރިއަށް ގެންދާ އެ މުޒާހަރާތަކުގެ ހަތަރު ވަނަ ދުވަހެވެ. މުޒާހަރާއަށް ނިކުތް ނޫސްވެރިން ބޭނުން ކުރި ބެނާތަކުގައި ވަނީ "މިނިވަން ކަމަށް ޓަކައި އަހަރެމެން ފަހަތަށް ނުޖެހޭނެ" ކަމަށެވެ.
ނޫސްވެރިންނާއެކު މަޖިލީހުގެ އިދިކޮޅު މެންބަރުން ވެސް ވަނީ މުޒާހަރާ ނިކުމެފައެވެ.
މުޒާހަރާތަކަށް ނިކުތް މަޖިލީހުގެ ބައެއް މެންބަރުން ބުނެފައިވަނީ ވެރިކަން ކުރާ ޖަސްޓިސް ޕާޓިން މަސައްކަތް ކުރަމުން ގެންދަނީ ނޫސްވެރިކަން ހަނިކުރަން ކަމަށެވެ. އަދި މަޖިލީހުގެ ހަބަރުތައް ކަވަރު ކުރާ ނޫސްވެރިންގެ އަޑު ކަނޑުވާލުމަށް ވެސް ވެރިކަން ކުރާ ޕާޓީން މަސައްކަތް ކުރަމުންދާ ކަމަށް އިދިކޮޅު މެންބަރުން ބުންނެވެ.
ޕޮލެންޑްގެ ރައީސް އެންޑްރެޒް ޑޫޑާގެ ޕްރެސް ސެކެޓްރީ ވިދާޅުވީ އިދިކޮޅު ފަރާތްކުން ހުށަހަޅާފައިވާ ހުށަހެޅުމަށް ގާނޫނީ އެނަލިސިސް އަކަށް ރައީސް އެދިފައިވާ ކަމަށެވެ.
ނުސްވެރިކަން ތާށި ކުރަމުންދާ ކަމަށް ބުނެ ކަންބޮޑުވުން ފާޅު ކުރުމުގެ ގޮތުން އިދިކޮޅު ފަރާތްތަކުން ތައްޔާރުވަމުން ދަނީ އަންނަ އަހަރަށް ލާފާ ކުރާ ބަޖެޓް ފާސް ކުރާ ޖަލްސާ ބޮއިކޮޓް ކޮށް އަޑު އުފުލުމަށެވެ.