ރަޝިޔާގެ މޮސްކޯ އެއާޕޯޓުން 92 މީހުންނާއެކު ފުރައިގެން ސީރިޔާގެ ލަޓާކިއާ އަށް ދަތުރު ކުރި ރަޝިޔާގެ އަސްކަރީ މަތިންދާ ބޯޓެއް ބްލެކް ސީ ސަރަހައްދަށް މިއަދު ގެއްލިއްޖެއެވެ.
ބައެއް ރިޕޯޓްތައް ބުނާ ގޮތުން ރަޝިޔާގެ އެއާ ކްރާފްޓްޓީޔޫ-154 ވަނީ ބްލެކް ސީ އަށް ވަނީ ވެއްޓިފަ އެވެ. ނަމަވެސް ރަޝިޔާގެ ދިފާއީ ވުޒާރާއިން ބޯޓް ވެއްޓުނު ކަމަށް މައުލޫމާތު ދީފައެއް ނުވެއެވެ.
ޑިފެންސް މިނިސްޓްރީން ބުނީ ބޯޓް ރާޑަރުން ގެއްލިފައިވަނީ މޮސްކޯ އެއާޕޯޓުން ފުރައިގެން ބްލެކްސީއާ ކައިރި ރަޝިޔާގެ ރިސޯޓް ރަށެއް ކަމަށްވާ ސޮޗީ ސިޓީގެ އެއާޕޯޓުން ނައްޓާލައިގެން ދިޔަތާ ދެ ތިން މިނެޓް ފަހުން ކަމަށެވެ.
ސޮޗީ އެއާޕޯޓަށް ބޯޓް ޖެއްސީ ބޯޓަށް ތެޔޮ އެޅުމަށް ކަމަށެވެ.
ބޯޓުން ދަތުރު ކުރި 92 މީހުންގެ ތެރޭގައި ހިމެނެނީ މުނިފޫހިފިލުވުމުގެ ދާއިރާގައި ހަރާކާތްތެރިވާ މީހުންނާއި ނޫސްވެރިންނެވެ. އޭގެ ތެރޭގައި ރަޝިޔާގެ މަޝްހޫރު ބޭންޑްތަކުގެ މިޔުޒީޝަނުން ހިމެނެއެވެ.