މިދިޔަ ހަފުތާގައި މާލޭގަައި ތޫނު އެއްޗެހިން ހަމަލާދީ މަރާލި ބަންގްލަދޭޝްގެ ޝާހީން މިއާގެ މަރާ ގުޅިގެން މިއަދު މީހަކު ހައްޔަރުކޮށްފި އެވެ.
ހުޅަނގު ދެކުނު ހާބަރުގައި ހުންނަ ޅިޔަނު ކެފޭ ތެރޭގައި ތޫނު އެއްޗެހިން ހަމަލާދީ ޝާހީން މަރާލި މައްސަލައާ ގުޅިގެން މިއަދު ހަވީރު ހައްޔަރުކުރީ 21 އަހަރުގެ ދިވެހި ފިރިހެނެއް ކަމަށް ފުލުހުން ބުންޏެވެ. އެ މީހާ ހައްޔަރުކުރީ ކޯޓު އަމުރެއްގެ ދަށުން ކަމަށް ވެސް ފުލުހުން ބުންޏެވެ.
ޝާހީން މަރާލި މައްސަލައިގެ އިތުރުން މިދިޔަ ހޮނިހިރު ދުވަހުގެ ރޭ ޗާންދަނީމަގުގައި ހިންގި މާރާމާރީއާ ގުޅިގެން ވެސް 21 އަހަރުގެ މީހަކު މިއަދު ހައްޔަރުކޮށްފައިވާ ކަމަށް ފުލުހުން ބުންޏެވެ. އެ މާރާމާރީގައި އަނިޔާވެފައިވަނީ 23 އަހަރުގެ ދިވެއްސަކަށެވެ.