ބަހުސް ކޮށްކޮށް ނުނިމޭނެ މައުލޫއަކަށް މި މައުލޫވެސް ވާނެ އެވެ. ދަރިއަކު ނުވަތަ ދަރިން ހޯދަން އެންމެ ރަނގަޅު އުމުރަކީ ކޮބައި ހެެއްޔެވެ؟ އާންމުކޮށް ކިޔައި އުޅޭ ގޮތުގައި އުމުުރުން 20 ނުވަތަ 25 ގައި ދަރިއަކު ހޯދަން ވާނެ އެވެ. އަދި ތިރީހުގެ އަހަރުތަކުގައި ދަރިން ހޯދަން އުޅުމަކީ ސިއްހަތަށް ހުރި ގެއްލުމެކެވެ.
ނަމަވެސް ސައިންސްވެރިން ދާދިފަހުން ކުރިއަށް ގެންދިޔަ ދިރާސާއެެއްގެ މައްޗަށް ބިނާކޮށް މުޅިން އާ ނިންމުމެއް ނިންމާފަ އެވެ. ޔުނިވާސިޓީ އޮފް ޓެކްސަސްގެ ސޯޝިއޮލޮޖިސްޜް ޖޯން މިރޯސްކީ އިސްވެހުރެ ކުރިއަށް ގެންދިޔަ މި ދިރާސާއިން ދައްކާ ގޮތުގައި ދަރިން ހޯދަން އެންމެ ރަނގަޅު އުމުރަކީ 34 އަހަރެވެ.
އަންހެނުންގެ ސިއްހަތާއި ބެހޭމި ތަޖުރިބާކާރު ބުނާ ގޮތުގައި ދަރިން ހޯދަން އެންމެ ރަނގަޅު އުމުރަަކަށް 34 އަހަރު ނުވަތަ 35 އަހަރު ވެެގެން ދަނީ އޭގެ ކުރިން އަންހެނުންގެ ހަށިގަނޑުގައި ބޮޑެތި ބަލިތައް ޖެހުމުގެ ފުރުސަތު ބޮޑުވާތީ އެވެ. އުމުުރުން 34 އަހަރަކީ ދަރިއަކު ހޯދުމަށް ހަށިގަނޑުވެސް އެންމެ އެކަށީގެންވާ ވަރަށް ތައްޔާރުވެފައި ހުންނާނެ އުމުރުއް ކަމަށެވެ.
މިރޯސްކީ ވަނީ ތިރީހުގެ ފަހުކޮޅު ދަރިން ހޯދުމުގައި ގެއްލުންތަކެއް ހުރިކަން ފާހަގަކޮށްފަ އެވެ. އެއީ އުމުރުން ދުވަސްވަމުންދާ ވަރަކަށް ދަރިމައިވުމުގެ ނިޒާމަށް ދިމާވާ މައްސަލަތައް އިތުރުވެގެންދާ ކަމަށެވެ.
ނަފްސާނީ އެހެން ގިނަ ޑޮކްޓަރުންތަކެއް ވެސް ވަނީ ޑރ. މިރޯސްކީގެ މި ދިރާސާ އަށް ތާއީދުކޮށް ވާހަކަ ދައްކާފަ އެވެ. އެ މީހުން ބުނާ ގޮތުގައި އެ އުމުރަކީ ޒަވާޖީ ހަޔާތެއް ފެށި ދިރިއުޅުން ސްޓޭބަލް ވެސް ވެފައި ހުންނާނެ އުމުރަކަށް ވާތީ އެކަމަށް ނަފްސާނީ ގޮތުންވެސް މީހާ ތައްޔާރުވާން ފަސޭހަ ކަމަކަށް ވާތީ އެވެ.