ދުވަހުގެ ބިޒީ ޝެޑިއުލަށްފަހު ބޭނުންވަނީ ރޭގަނޑުގެ އަރާމު ނިދީގެ ތެރެއަށް ގެނބިގަންނާށެވެ. ކިތަންމެ ވަރުބަލިވެ ނިދަން ބޭނުންވެފައި ހުއްޓަސް ލޮލަށް ނިދި ނައިސް ނުނިދިފައި އެތައް ރެއަކު އޮންނަން ޖެހެ އެވެ. ނުނިދިގެން އެތައް ކަންތައްތަކެއް ކުރާއިރު އެންމެ ފަހަރަކުވެސް ނިދާއިރު ބޭނުން ކުރާ ބްލޭންކެޓާމެދު ވިސްނާލިން ހެއްޔެވެ؟
ނިދުމަށް އެންމެ ބޮޑު އެހީތެރިކަމެއް ދޭނެ ބައިވެރިޔަކީ އެއީ އެވެ. އާންމުކޮށް އަބަދުވެސް ބޭނުންކުރާ ބްލޭންކެޓް ބޭނުން ކުރުމަކީ މުހިންމު ކަމެކެވެ. "ފޭވަރިޓް" ބްލޭންކެޓާއެކު ނިދަން ފަސޭހަ ވެއެވެ.
ނިދަން ބޭނުންކުރާ ބްލޭންކެޓްގައި އެންމެ އެކަށީގެންވާ ފިނިހޫނު މިނެއްގައި އޮތުން ވެސް މުހިންމެވެ. މާބޮޑަށް ބްލޭންކެޓް ފިނިވިޔަސް ނުވަތަ ހޫނު ވިޔަސް ކަމަކު ނުދާނެ އެވެ. ބްލޭންކެޓްގެ ފިނި ހޫނުމިނަކީ ނިންޖާ މީހާ ދުރުކޮށްދޭ އެއް ކަންތައް ކަމަށް ނިއުޔޯކް ގެ ޔުނިޓީ ސްލީޕް ޑިސްއޯޑާސް ސެންޓަރުގެ އިންސޮމްނިއާ ސާވިސް ޑިރެކްޓަރު އެލީސް ހޯގަލޭންޑް ބުނެފައިވެ އެވެ.
އާންމުކޮށް މާ ހިތްހަމަޖެހޭ އުފާވެރި ދިރިއުޅުމެއް ނޫޅޭ، ސްޓްރެސްޑް މީހުންނަށް އެންމެ ރަނގަޅު ކަމަށްވަނީ ބަރު ބްލޭންކެޓް އެވެ. އެއީ މީހާ ހަމައަކަށް އަޅުވާލާނެ ކަމެއް ކަމަށްވެ އެވެ. ބްލޭންކެޓްގެ ސަބަބުން އިތުރުވާ ބަރުދަނުގެ ސަބަބުން މީހާ ރިލެކްސް ވުމުގެ ފުރުސަތު އޮންނާނެތީ އެވެ. އަދި އެއީ ނިދުމަށް އެހީތެރިިވެދޭ ކަމަކަށްވާތީ އެވެ. ނަމަވެސް އަނިޔާއެއް ލިބިފައިވާނަމަ ނުވަތަ ނޭވާ ލުމުގެ ނިޒާމުގައި މައްސަލަ ހުންނަ މީހުން ބަރު ބްލޭންކެޓް ބޭނުންކުރުން ރަނގަޅެއް ނޫނެވެ.
ނަމަވެސް އާންމުކޮށް ނިދަން ބޭނުންކުރަން އެންމެ ރަނގަޅު ކަމަށް ކަމާބެހޭ ތަޖުރިބާކަރުން ބުނަނީ ވީހާވެސް މަޑު ބްލޭންކެޓެކެވެ. މާބޮޑަށް ރާޅު ނަމަ ހަންގަނޑު ހިރުވުމަށް މެދުވެރިވެ އެވެ. ހިރުވުމަކީ ނިންޖަށް ހުރަސް އަޅާ ކަމެކެވެ.
އާންމުކޮށް ބޭނުންކުރާ ބްލޭންކެޓް ބޭނުންކުުރުން މުހިންމެވެ. އެއީ އަވަހަށް ނިދުމަށް އެހީތެރިވެދޭނެ ކަމެކެވެ. ސްލީޕް ސެންޓަރުތަކުން ވެސް ޕޭޝަންޓުންނަށް އާންމުކޮށް ނިދަން ބޭނުންކުރާ ބާލީސް އަދި ބްލޭންކެޓް ހިފައިގެން އައުމަށް އަންގަނީ އެހެންވެ އެވެ. ދަތުރު ތަކުގައި ދާއިރުވެސް އަމިއްލަ ބްލޭންކެޓް ގެންދަންވީ އެހެންވެ އެވެ.