ސަދަގާތު ފައުންޑޭޝަނުން މިރޭ ބޭއްވި މާލޭގައި "މަންމަ" ދަރުސުގައި ބައިވެރިވެ އަޑު އަހަން ދިޔަ މީހުންނާއި ޓީވީ އާއި ރޭޑީއޯ އަދި ފޭސްބުކު ލައިވް މެދުވެރިކޮށް ބެލި އެތަކެއް ސަތޭކަ ބަޔަކު މިރޭ ރޮވިއްޖެ އެވެ. މިރޭ ދަރުބާރުގޭގެ ރަންނަބަނޑޭރި މާލަމުގައި ބޭއްވި ދަރުސު ދެއްވަފައިވާ ގިނަ ބަައެއްގެ ސަމާލުކަން ރާއްޖޭގައި އޮންނަ މަޝްހޫރު ދީނީ އިލްުމުވެރިޔާ ޝައިހު އާދަމް ޝަމީމެވެ.
ގިނަ އަދެއްގެ މީހުން ބައިވެރި ދަރުސްގައި މަންމައަކީ ކިހާ މުހިންމު ފަރާތެއް ކަމަށާއި މަންމައަށްޓަކައި އަދާ ކުރަން ޖެހޭ ހުރިހާ ހައްގުތަކުގެ މައްޗަށް ވަރަށް ފުރިހަމައަށް އެހާ އަސަރު ގަދަކޮށް ކީރިތި ގުރުއާނުންނާއި ރަސޫލާ ހަދީސްތަކާއި ސުންނަތުންނާއި އިލްމުވެރިންގެ ފަތުވާއިން ދަލީލު ދައްކުވައި ދެއްވި އެވެ.
މަންމަ އަދި މައިންބައިންނާ މެދު މިހާރު އަމަލުތަކާއި ކަންތައްތައް ކުރެވޭ ގޮތާއި ހަގީގަތުގައި މަންމައާ ކަންކަން ކުރަން އިސްލާމްދީނުގައި އަންގަވައިވާ ގޮތްތައް ވަރަށް ސާފުކޮށް އެހާ އަސަރު ގަދަ ގޮތެއްގައި މިރޭ ޝައިހު ވަނީ ބަންޑުންކޮށްލައި ދެއްވާފަ އެވެ.
ދަރުސްގައި މަންމައަށް އަދި މައިންބަފައިންނަށް ކަމޭ ހިތުމާއި ލޯބި ކުރުމުގައި ބަދަލު ކުރަންވީ ވަރަށް ގިނަ ނުކުތާތަކުގެ މައްޗަށް އަލި އަޅުވާލެއްވި އެވެ. އަދި އެކަން ކަމަށް ބާރު އަޅުވައި އަޅުގަނޑުމެންގެ ހަޔާތް ބަދަލު ކުރުމަށް ގޮވައިލެއްވި އެވެ. އަދި ހުރިހާ އެންމެން މާޒީއަށްޓަކައި ދެރަވެ މަންމަގެ ކިބައިން މާފަށް އެދި ލޯބިކޮށް ދުއާ ކުރުމަށްވެސް އެދި ވަޑައިގެންނެވި އެވެ.
ރާއްޖޭގޭ ރައީސުލް ޖުމްހޫރިއްޔާގެ އަނބިކަނބަލުން އަދި ފަސްޓްލޭޑީ، މެޑަމް ފާތުމަތު އިބުރާހީމާއި ބައެއް ވަޒީރުންނާއި ސަރުކާރުގެ ވަރަށް ގިނަ އިތްޒަތްތެރިންނާއި އާންމުންގެ ގިނަ އަދަދެއްގެ މީހުން ބައިވެރިވި މި ދަރުސުގައި ޝައިހު ގެނެސް ދެއްވި ދަލީލުތަކާއި ހުއްޖަތް ތަކުގެ ތެރޭގައި މިރޭ އެންމެނަށް ކުރި އަސަރުގެ ސަބަބުން ގާތްގަނޑަކަށް އެންމެން ކަހަލަގޮތަކަށް ރުޔެވެ. ބައެއް މީހުން ގިސްލާފައި ރުއި މަންޒަރުވެސް ފެނިގެން ދިޔަ އެވެ. އަދި އެ މަންޒަރުތަކާއެކު ޝައިހުވެސް ވަނީ ކީރިތި ކުރައްވާ ކުޑައިރުކޮޅަކަށް ދަރުސް މެދު ކަނޑާލައްވާފަ އެވެ.
ވަރަށް ތިލަކޮށް ވަރަށް ފަސޭހައިން އާންމުންގެ ސިކުނޑިއަށް ނަގައިގެނެވޭނެ ގޮތަށް ހުށަހަޅައިދިން ދަރުސް މިރޭ ނިންމާލި ވަގުތު ވެސް ވަރަށް ގިނަ މީހުން ރުއި މަންޒަރު ޓީވީ ތަކުން ދުރަށް ދައްކާފައި ވެއެވެ.
މިރޭގެ ދަރުސްގެ ތެރޭގައި ސަދަގާތު ފައުންޑޭޝަންގެ ފާރާތުން ތައްޔާރު ކުރި "މަންމަ" މަދަހަށް ވެސް ރިލީޒް ކުރި އެވެ. މި މަދަހަށް ކިޔައި ދެވީ މަޝްހޫރު ލަވަކިޔުންތެރިޔާ ޝަލަބީ އިބްރާހީމެވެ. މިރޭ 9:00 ޖެހިއިރު ފެށި ދަރުސް ނިންމާލީ 10:25 ގަ އެވެ. ދަރުސް ނިންމާލީ ޝައިހު އިސްވެ ކުރެއްވި ދުއާ އަކުންނެވެ.