މިރޭ ހަނދުކޭތަ ހިފާނެ ކަމަށާއި އެކަމާއި ގުޅިގެން ކުރާ ކޭތަ ނަމާދު މިރޭ 9:00 ގައި އޮންނާނެ ކަމަށް އިސްލާމިކް މިނިސްޓްރީން ބުނެފި އެވެ.
އިސްލާމިކް މިނިސްޓްރީން ބުނީ ކޭތަ ނަމާދު ކުރުން މާލޭ އާއި މީހުން ދިރިއުޅޭ ހުރިހާ ރަށްރަށުގެ ބޮޑެތި މިސްކިތްތަކުގައި އޮންނާނެ ކަމަށާއި ކޭތަ ނަމާދުކުރުން މާލޭގައި އޮންނާނީ އިސްލާމީ މަރުކަޒުގައި ކަމަށެވެ. މިރޭ ހިފާ ހަނދުކޭތަ ރާއްޖެއަށް ފެންނާނެ އެވެ. ހަނދު ކޭތަ ހިފުމުން ކުރާ ނަމާދުގެ ހުތުބާ އިސްލާމިކް މިނިސްޓްރީގެ ވެބްސައިޓުން ލިބެން ހުންނާނެ ކަމަށް އެމިނިސްޓްރީން ބުންޏެވެ.
މިދިޔަ ފެބްރުއަރީ މަހުވެސް ހަނދުކޭތަ ހިފިއިރު އެ ކޭތަވެސް ވަނީ ރާއްޖެއަށް ފެނިފަ އެވެ.