ސްރީލަންކާގެ އެޑްލޮކޭޓް ޕްރައިވެޓް ލިމިޓެޑާއި އައިލެންޑާސް އެޑިއުކޭޝަން ގުޅިގެން އެޑިއުކޭޝަން ފެއާއެއް ބާއްވަން ނިންމައިފި އެވެ. އެ ފެއާ އޮންނާނީ އަންނަ ހޮނިހިރު ދުވަހު އާޓް ގެލެރީގަ އެވެ. އެ ފެއާގައި ދަރިވަރުންނާ ބެލެނިވެރިންނަށް ކައުންސިލަރުންނާއި، ބޭރުގެ ޔުނިވާސިޓީތަކުގެ ހާއްސަ މަންދޫބުން މެދުވެރިކޮށް ކޯސްތަކާއި ބެހޭ މައުލޫމާތު ލިބޭނެ އެވެ. ފެއާ ހުޅުވިފައި ހުންނާނީ ހޮނިހިރު ދުވަހު ހަވީރު 4:00 އިން ރޭގަނޑު 10:00 އަށެވެ. އެޑްލޮކޭޓްއަކީ ޔުނިވާސިޓީތައް ތަމްސީލް ކުުރުމުގައި 17 އަހަރުގެ ތަޖުރިބާ ލިބިފައިވާ ފަރާތެކެވެ. އަދި އައިލެންޑާސް އެޑިއުކޭޝަންއަކީ ރާއްޖޭގައި އެންމެ ފުޅާކޮށް ތައުލީމީ ދާއިރާގެ ކަންކަން ކުރިއަށް ގެންދާ އަމިއްލަ ކުންފުންޏެކެވެ.
މި އެޑިއުލޭޝަން ފެއާ ބޮޑަށް އަމާޒުކޮށްފައިވަނީ މި އަހަރުގެ މެއި / ޖޫން ގައި އޭ ލެވެލް އިމްތިހާނު ނިންމި ދަރިވަރުންނަށެވެ. އަދި މީގެ އިތުރުން ޕޯސްޓްގްރެޖުއޭޓް ހަދަން ބޭނުންވާ ފަރާތްތަކަށްވެސް މި ފެއާއިން މުހިންމު މައުލޫމާތުތަކެއް ލިބޭނެ އެވެ.
އެ ފެއާއިން ބޭރުގެ ޔުނިވާސިޓީތަކުގައި އެންމެ ޑިމާންޑު ބޮޑު ކޯސްތަކާއި ބެހޭގޮތުންވެސް ގިނަ މައުލޫމާތުތަކެއް ލިބޭނެ އެވެ. އެގޮތުން އޮސްޓްރޭލިއާގެ 55 ޔުނިވާސިޓީ / އިންސްޓިޓިއުޓް ތަކުގަ އާއި، މެލެޝިޔާގެ ހަތް ޔުނިވާސިޓީ / އިންސްޓިޓިއުޓްތަކުގައި އާއި، ނިއުޒިލޭންޑުގެ ހަ ޔުނިވާސިޓީ އަދި އެގައުމުގެ ހަ ޕޮލިޓެކްނިކެއްގައި ހިންގާ ކޯސްތަކާއި ބެހޭ މައުލޫމާތު ފޯރުކޮށްދޭނެ އެވެ. މީގެއިތުރުން ޑިގްރީ ކޯސްތަކަށް ބޭނުންވާ އަމަލީ ތަޖުރިބާ ހޯދުމުގެ ފުރުސަތު އޮސްޓްރޭލިއާ އަދި ނިއުޒިލޭންޑުން ލިބޭނެ ގޮތާއި ބެހޭ މައުލޫމާތުވެސް ފެއާ އަށް ޒިޔާރަތްކުރާ ފަރާތްތަކަށް ފޯރުކޮށްދޭނެ އެވެ.
ސްކޮލަޝިޕްތަކާއި ބެހޭ މައުލޫމާތުގެ އިތުރުން އަންޑަގްރެޖުއޭޓް ކޯސްތަކަށް ވާސިލްވެވޭނެ ގޮތްތަކާއި ބެހޭ މައުލޫމާތުވެސް ފެއާއިން ލިބޭނެ އެވެ. އޭ ލެވެލް އިމްތިހާނުގެ ނަތީޖާ ނުލިބޭ ދަރިވަރުންނަށް ސްޓޫޑެންޓް ވިސާ ހޯދަން އެހީތެރިވެދީ އަދި ވިސާ ލިބޭ ދަރިވަރުންނަށް އެޑްލޮކޭޓް އިން ހިލޭ، ޕްލޭސްމެންޓާއި، އެންރޯލްމަންޓް އަދި ވިސާ ހަމަޖައްސައިދޭނެ އެވެ.
އޮސްޓްރޭލިއާ އަދި ނިއުޒިލެންޑުގެ އެންމެ ފެންވަރު ރަނގަޅު ޔުނިވާސިޓީތަކުން ދަރިވަރުންނަށް ފުރުސަތު ހޯދައިދިނުމުގައި އެޑްލޮކޭޓަކީ ތަޖުރިބާކާރު ކުންފުންޏެކެވެ. އެ ޔުނިވާސިޓީތަކުގެ ތެރޭގައި ޔުނިވާސިޓީ އޮފް މެލްބާން، ޔުނިވާސިޓީ އޮފް ސިޑްނީ، އޮސްޓްރޭލިއަން ނެޝަނަލް ޔުނިވާސިޓީ، ޔުނިވާސިޓީ އޮފް ނިއު ސައުތު ވޭލްސް، ޔުނިވާސިޓީ އޮފް ކުއީންސްލޭންޑް، ޔުނިވާސިޓީ އޮފް އެޑިލައިޑް، ޔުނިވާސިޓީ އޮފް ވެސްޓާން އޮސްޓްރޭލިއާ، ޔުނިވާސިޓީ އޮފް އޯކްލޭންޑް، މޮނާޝް ޔުނިވާސިޓީ މެލޭޝިއާ، އިންޓަނޭޝަނަލް މެޑިކަލް ޔުނިވާސިޓީ (އައިއެމްޔޫ) އަދި މަނިޕަލް މަލައްކާ މެޑިކަލް ކޮލެޖް ހިމެނެ އެވެ. އެ ޔުނިވާސިޓީތަކަކީ އެމެރިކާ އަދި ޔޫކޭގެ ޔުނިވާސިޓީތަކަށްވުރެ ފެންވަރު ރަނގަޅު ޔުނިވާސިޓީތަކެކެވެ. އެ ޔުނިވާސިޓީތަކުން ހިންގާ ކޯސްތަކަކީ އިންޓަނޭޝަނަލް ރިކޮގްނިޝަން ލިބިފައިވާ ކޯސްތަކެވެ.
ރައީސްގެ ސްކޮލާޝިޕްގެ ދަށުން ކިޔަވަންދާ ދަރިވަރުން އޮސްޓްރޭލިއާ އަދި ނިއުޒިލެންޑުގެ ޔުނިވާސިޓީތަކުން ޖާގަ ހޯދުމަށް އައިލެންޑާސް އެޑިއުކޭޝަން ލަފާދެ އެވެ. ސަބަބެއް ކަމަށް އެކުންފުނިން ބުނަނީ ފެންވަރު ރަނގަޅު ސެޓްފިކެޓްގެ އިތުރުން އަމަލީ ތަޖުރިބާއަށް ބޭނުންވާ ޕޯސްޓް ސްޓަޑީ ވޯކް ވިސާ ހޯދަންވެސްވެސް ފަސޭހަ ވީމަ ކަމަށެވެ. ވަޒީފާއެއް ހޯދާ ކެރިއާ އެއް ތަރައްގީކުރާއިރު އެންމެ އެކަށީގެންވާ ތަޖުރިބާ ކޯސް ނިމޭއިރު ލިބޭނެ އެވެ.
އެޑްލޮކޭޓް އިން ތަމްސީލުކުރާ އަނެއް ތިން ގައުމުގެ ޔުނިވާސިޓީތަކަކީވެސް ހައި ރޭންކުގައި ހިމެނޭ ޔުނިވާސިޓީތަކެކެވެ. މީގެ އިތުރުން ޔުނިވާސިޓީ އޮފް އެޑިލައިޑް، ޔުނިވާސިޓީ އޮފް ވެސްޓާން އޮސްޓްރޭލިއާ އަދި ނިއުޒިލެންޑްގެ ތާޝިއަރީ ކޮލެޖް އިން އިންޖިނިއަރިން، ކޮމާސް އެންޑް އާލީ ޗައިލްޑްހޫޑް އެޑިއުކޭޝަންގެ ކޯސްތަކަށް ވަނުމަށް ބޭނުންވާ ޕްރޮގްރާމްތައް އެޑްލޮކޭޓް އިން ލަންކާގައި ހިންގަ އެެވެ.
ރާއްޖޭގައި މީގެކުރިން ބާއްވާފައިވާ އެހެން އެޑިއުކޭޝަން ފެއާތަކަށްވުރެ ގިނަ މައުލޫމާތު މި ފެއާއިން ލިބޭނެ ކަމަށާއި އަދި މިއި ބޭރުގެ ޔުނިވާސިޓީތަކުން ޖާގަ ހޯދުމަށް ލިބޭނެ ފުރުސަތެއް ކަމަށެވެ. އެޑްލޮކޭޓް އަދި އައިލެންޑާސް އެޑިއުކޭޝަންގެ ކައުންސިލަރުންނާ މަންދޫބުން މެދުވެރިކޮށް ފެއާއަށް ޒިޔާރަތްކުރާ ފަރާތްތަކުން ކުރަން ބޭނުންވާ ހުރިހާ ސުވާލަކަށް ޖަވާބު ލިބޭނެ އެވެ.