ފަހަކަށް އައިސް ވޭސްޓް މެނޭޖްމަންޓް ކޯޕަރޭޝަން (ވެމްކޯ)ގެ ނަމުގައި އޮޅުވާލައިގެން ބަޔަކު ގެތަކަށް ވަދެ މީހުން އަތުން ފައިސާ ނަގަމުންދާ ކަމުގެ މައްސަލަ ފެންމަތިވެފައިވާ ކަމަށް އެ ކުންފުނިން ބުނެފި އެވެ.
ވެމްކޯއިން ބުނީ އެ ކުންފުނީގެ ހިދުމަތް ހޯދާ ފަރާތްތަކަށް ފައިސާ ދައްކަން ޖަމަޖެހިފައިވަނީ މަހުގެ ފެށޭކޮޅުގައި ކަމަށެވެ. އެގޮތުން ގޭބިސީއަކުން ނަމަ 150 ރުފިޔާ އަދި އިމާރާތް އެއްކޮށް ނަމަ 100 ޗަޖު ކުރެވޭނީ ރުފިޔާގެ ރޭޓަކުން ކަމަށާއި މަސް ނިމުމުން ވެމްކޯގެ ނިޝާން ޖެހި ބިލުތަކެއް ފޯރުކޮށްދޭނެ ކަމަށެވެ.
އޭގެ އިތުރުން ފައިސާ ދެއްކުން ފަސޭހަކޮށް ރައްކާތެރި ކުރުމަށްޓަކައި އޮންލައިން ނުވަތަ އެހެނިހެން ވަސީލަތްތައް މެދުވެރިކޮށް ފައިސާ ދެއްކުމުގެ ފުރުސަތު ތަނަވަސް ކުރުމަށް މަސައްކަތް ކުރަމުން އަންނަ ކަމަށް ވެމްކޯއިން ބުންޏެވެ.
ވެމްކޯގެ ނަމުގައި ބަޔަކު ފައިސާ ހޯދުމަށް އަންނަ އިރު އެ ކުންފުނީގެ ނަމުގައި ބަޔަކު ގެޔަށް ވަދެ ވަޅި ބިރު ދެއްކުމުގެ އަމަލު ވެސް ހިންގަމުން އަންނަ ކަމަށް އަޑު ވަނީ ފެތުރިފަ އެވެ. ނަމަވެސް ފުލުހުންނާއި ވެމްކޯއިން ވެސް ވަނީ އެކަން ދޮގުކޮށްފަ އެވެ.