ސުޕްރީމް ކޯޓުގައި މިއަދު ކުރިޔަށް ދިޔަ ޝަރީޔަތުގެ ބެންޗުގައި ތިބި ފަނޑިޔާރުން ކުރެހި މީހަކު ޖޫރިމަނާކޮށްފި އެވެ.
ސުޕްރީމް ކޯޓުން ޖޫރިމަނާކޮށްފައި ވަނީ އެމްޑީޕީ އެކްޓިވެސްޓެއް ކަމަށްވާ އާދަމް މަނިކު އެވެ. އޭނާ ވަނީ 2500 ރުފިޔާއިން ޖޫރިމަނާކޮށްފަ އެވެ.
އާދަމް މަނިކު ޖޫރިމަނާ ކުރީ ވިލިނގިލީ ދާއިރާގެ މެންބަރު ސައުދު ހުސެންގެ މެންބަރުކަން ގެއްލިފައިވާ ކަމަށް އިލެކްޝަން ކޮމިޝަނުން ކަނޑައެޅި މައްސަލާގެ ގޮތެއް ނިންމުމަށް މިއަދު ބޭއްވި ޝަރީއަތުގަ އެވެ. އޭނާ ކުރެހީ ބެންޗާއި ފަސް ފަނޑިޔާރުންގެ ސޫރަޔާއި ޝަރީއަތް ސިފަވާ ގޮތަށް ޝަރީއަތް ކުރިޔަށްދާ މަންޒަރު ސިފަވާ ގޮތަށެވެ.
އެހެންކަމުން ކޯޓުތަކާ ބެހޭ ގާނޫނުގެ 76 ވަނަ މާއްދާގެ ދަށުން، ޝަރީއަތުގެ މަޖިލީހުގެ ނިޒާމާ ހިލާފު އަމަލެއް ކުރި ކަމަށް ބަލައިގެން އާދަމް މަނިކު ޖޫރިމަނާ ކުރީ ކަމަށް ސުޕްރީމް ކޯޓުން އޭނާއާ ހަވާލުކުރި ލިޔުމުގައިވެ އެވެ.