މަޖީދިއްޔާ ސުކޫލު ކުރިމައްޗަށް ހުރި ސްކައުޓް އެސޯސިއޭޝަން އިމާރާތް ހުސްކޮށް ސްކޮއުޓް އެސޯސިއޭޝަން ބާ ޖަމާލުއްދީން އަށް ބަދަލު ކުރުމުގެ މަސައްކަތް ފަށައިފި އެވެ.
ސްކައުޓް އެސޯސިއޭޝަންގެ ނައިބް ރައީސް އަހުމަދު އަންވަރު "އަވަސް" އަށް ވިދާޅުވީ ސްކައުޓް އެސޯސިއޭޝަން މިހާރު ހިންގަމުން އަންނަ ތަން ހުސް ކުރަން ހައުސިން މިނިސްޓްރީގެ ފަރާތުން މިދިޔަ ހަފްތާގައި އަންގާފައިވާ ކަމަށެވެ. އަދި ހައުސިން މިނިސްޓްރީގެ ފަރާތުން ސްކައުޓް އެސޯސިއޭޝަނަށް ބާ ޖަމާލުއްދީން ހަމަޖައްސައިދީފައިވާ ކަމަށްވެސް އަންވަރު ވިދާޅުވި އެވެ.
އަންވަރު ވިދާޅުވީ ހައުސިން މިނިސްޓްރީގެ ފަރާތުން ސްކައުޓް އެސޯސިއޭޝަން ހިންގަން ބާ ޖަމާލުއްދީންގެ ދެ ކްލާސްރޫމެއް ދީފައިވާ ކަމަށާއި މިހާރު ސްކައުޓް އެސޯސިއޭޝަން ހިންގަމުންދާ އިމާރާތް ހުސްކުރުމުންދަނީ ހައުސިން މިނިސްޓްރީގެ އެހީތެރިކަމާ އެކު ކަމަށެވެ.