ކާސާ ހޯލްޑިންސް އާއި ޗަމްޕާ ބްރަދާސް އަދި ކުރެއްދޫ ހޯލްޑިންގްސް ގުޅިގެން އުފައްދާފައިވާ "ޓްރީ ޓޮޕް އިންވެސްޓްމަންޓުން" ހުޅުމާލޭގައި ހަދާ ޓްރީޓޮޕް ހޮސްޕޮޓަލްގައި މިހާރު ކުރަމުން ދަނީ އެންމެ ފަހުގެ މަސައްކަތްތައް ކަމަށާއި މިއަހަރު ފަހުކޮޅު ހޮސްޕިޓަލް ހުޅުވާނެ ކަމަށް އެ ހޮސްޕިޓަލްގެ ފަރާތުން ބުނެފި އެވެ.
ޓްރީޓޮޕްގެ ފަރާތުން މިއަދު ބުނީ ޓްރިޓޮޕް ހޮސްޕިޓަލްގެ މަސައްކަތް ކުރަން ހަވާލުކޮށްފައިވާ ތުރުކީގެ ކުންފުންޏެއް ކަމަށްވާަ ތުރްމާކްގެ ފަރާތުން މިހާރު ކުރަމުންދަނީ ކޮންސްޓްރަކްޝަންގެ އެންމެ ފަހު ފޭސްގެ މަސައްކަތް ކަމަށާއި އުންމީދަކީ މިއަހަރު ފަހު ކުއާޓާގައި ޓްރީޓޮޕް ހޮޅުވައި ހިދުމަތް ފޯރުކޮށްދިނުން ކަމަށެވެ.
މީގެ ކުރިން ޓްރީޓޮޕް ހޮސްޕިޓަލް ހުޅުވާނެ ކަމަށް ވިދާޅުވެފަައިވަނީ މި މަހު ތެރޭގައި އެވެ. ނަމަވެސް މަސައްކަތްތައް ނުނިމި ލަސްވުމުގެ ސަބަބުން އެ ހޮސްޕިޓަލް ހުޅުވުން އަނެއްކާވެސް ވަނީ މިއަހަރު ފަހު ކުއާޓާގައި ހުޅުވުމަށް ލަސްކޮށްފަ އެވެ.
ޓުރީޓޮޕް ހޮސްޕިޓަލުން ރާއްޖޭގައި އަލަށް އޯޕެން ހާޓް ސާޖަރީގެ ހިދުމަށް ދޭނެ އެވެ. އެކަމަށް ހާއްސަ ޑޮކުޓަރުވެސް މިހާރު ވަނީ ރެކްރޫޓު ކޮށްފަ އެވެ. އެގޮތުން ދުނިޔޭގެ 25 ގައުމަކުން ޑޮކްޓަރުން ރެކްރޫޓް ކޮށްފައި ވެއެވެ. އޭގެ ތެރޭގައި ޔޫރަޕް، އޭޝިއާ އަދި ޔޫއެސްއޭގެ ޑޮކްޓަރުން ހިމެނެ އެވެ. އަދި އެ ހޮސްޕިޓަލުން ދުނިޔޭގެ ފެންވަރުގެ ހިދުމަތްތައް ލިބިގެންދާއިރު މުޅި ހޮސްޕިޓަލަކީ ފަހުގެ ޓެކްނޮލޮޖީ އާއެކު ފުލީ އޮޓޯމެޓިކު ހޮސްޕިޓަލެކެވެ.
ގާތްގަނޑަކަށް 90 މިލިއަން ޑޮލަރުގެ އިންވެސްޓްމަންޓެއްގެ ގޮތުގައި ހުޅުމާލޭގައި ތަރައްގީ ކުރަމުން ގެންދާ މަލްޓި ސުޕެޝަލިޓީ މި ހޮސްޕިޓަލުގައި 200 އެނދު ހުންނާނެ އެވެ. ދެ އިމާރާތައްވާ ގޮތަށް ތަރައްގީކުރާ މި ހޮސްޕިޓަލް އަޅަމުން ދަނީ އެންމެ ޒަމާނީ ހޮސްޕިޓަލަކުން ވެސް ދެވޭނެ ހުރިހާ ސިއްހީ ހިދުމަތްތަކެއް ލިބޭ ގޮތަށެވެ. އަދި ޓްރީޓޮޕް ހޮސްޕޮޓަލްގައި ފައިސާ ޖަމާކޮށް ފައިސާ ނެގޭނެ އޭޓީއެމްގެ ހިދުމަތް ގާއިމުކުރަން ބޭންކް އޮފް މޯލްޑިވްސް (ބީއެމްއެލް) ވަނީ ނިންމާފަ އެވެ.
ހުޅުމާލޭގައި 20،000 އަކަމީޓަރުގެ ސަރަހައްދެއްގައި ހަ ފްލޯގެ އިމާރާތެއް ހަދާއިރު އެކޮމޮޑޭޝަން ބްލޮކަކާއި ރެސްޓޯރަންޓް އަދި އެމެޖެންސީ ޕަވަ ސިސްޓަމެއް ވެސް ހުންނާނެ އެވެ.