ރާއްޖެގެ ޓޫރިޒަމް ދާއިރާގައި ދޭ އެންމެ ޝަރަފުވެރި އެވޯޑު ކަމަށްވާ މޯލްޑިވްސް ޓްރެވަލް އެވޯޑްސް އަށް ކުރިމަތިލާން ހުޅުވާލައިފި އެވެ.
ރާއްޖޭގެ ޓްރެވަލް އެޖެންޓުންގެ ޖަމިއްޔާ މަޓާޓޯއިން ދޭ މި އެވޯޑުގެ "ގާލާ އެޑިޝަނުގައި" މި އަހަުރ ތަފާތު ދާއިރާތަކުން 25 އެވޯޑެއް ދޭނެ އެވެ. މި އެވޯޑުގެ އިތުރުން މަޓާޓޯއިން ދޭ ހާއްސަ އެވޯޑެއް ވެސް ހިމެނެ އެވެ.
މި އެވޯޑަށް ކުރިމަތިލެވޭނީ "މޯލްޑިވްސް ޓްރެވަލް އެވޯޑަށް" ހާއްސަ ވެބްސައިޓުންނެވެ. މި އެވޯޑު އުފެއްދުންތަކާއި ހިދުމަތުގެ ދާއިރާއިން އަދި ވެލްނަސް ސްޕާ އާއި ރެސްޕޯންސިބަލް ޓޫރިޒަމް އަދި ބްރޭންޑް މެނޭޖުމަންޓުގެ އިތުރުން އެއާލައިން އާއި ބީޗް އެންޑް ވޯޓާ އަދި ލިވަބޯޑު ފަދަ ދާއިރާތަކުން ދޭނެ އެވެ.
މޯލްޑިވްސް ޓްރެވަލް އެވޯޑްސްގައި އުފެދި ތަރައްގީވަމުން އަންނަ ގެސްޓްހައުސް ދާއިރާއަށް ހާއްސަ އެވޯޑެއްވެސް ދެ އެވެ. މޯލްޑިވްސް ޓްރެވަލް އެވޯޑްސްގެ ގެސްޓްހައުސް އެޑިޝަނަށް ކުރިމަތިލުމުގެ ފުރުސަތު ހުޅުވައިލީ މިދިޔަ މަހުގެ 15 ވަނަ ދުވަހާ ހަމައަށެވެ. މި އަހަރަކީ މޯލްޑިވްސް ޓްރެވަލް އެވޯޑްސް ބާއްވާ ހަތް ވަނަ ފަހަރެވެ.