ރޯދަ މަހުގެ ފަހު ދިހައިގައި މުޅި ރާއްޖެއަށް އަމާޒުކޮށް ލިޓަސް އިން ކުރިއަށްގެންދިޔަ އޮންލައިން ގުރްއާން މުބާރާތުގެ ވަނަތައް ހޮވައިފި އެވެ.
ޖުމްލަ ހަތަރު ކެޓަގަރީއަކަށް ބަހާލައިގެން ކުރިއަށްގެންދިޔަ މި މުބާރާތަކީ ރާއްޖޭގައި މިހާތަނަށް ބޭއްވި އެންމެ ބޮޑު އޮންލައިން ގުރްއާން މުބާރާތެވެ. މި މުބާރާތުގައި މީހުން ބައިވެރިވީ އަމިއްލަޔަށް ރިކޯޑްކޮށްފައިވާ ވީޑިއޯ ފޮނުވައިގެންނެވެ.
މުބާރާތުން އެއްވަނަ ހޯދި ފަރާތްތައް
- ހަތް އަހަރުން ދަށް: މަލްކާ މުހައްމަދު ހަބީބް - ވާދީ ސ ފޭދޫ
- އަށް އަހަރާ 12 އަހަރާ ދެމެދު: އަބްދުﷲ ޝަހުދާން އަބްދުއް ޝަހީދް - ވެޔޮގެ ރ މީދޫ
- 13 އަހަރާ 16 އަހަރާ ދެމެދު: އައިޝަތު އަފްނާން ޝަރީފް - ރަބީއުގެ ށ ކޮމަންޑޫ
- ހަތް އަހަރުން މަތި: ދަހްލާން މުހައްމަދު ރިޒާ - ށ ފިރުބައިންދޫ
މިއިން ކޮންމެ ކެޓަގަރީއަކުން ގަދަ ފަހެއް ވަނީ ހޮވާފަ އެވެ.
މި މުބާރާތުގެ ޖަޖުކަން ކޮށްފައިވަނީ ގާރީ މުހައްމަދު ތައުފީގް އަލީ އާއި ގާރީ މުހައްމަދު ވަހީދު އަދި ޝައިހް އިބްރާހިމް ހަސަން އެވެ. މި ހުރިހާ ބޭފުޅުންނަކީވެސް އިސްލާމިކް ޔުނިވަސިޓީގައި ކިޔަވައިދެއްވާ ލެކްޗަރާއިންނެވެ.
ލިޓަސް އިން ވަނީ، މުބާރާތުން ގަދަ ފަސް ވަނައަށް ދާ ކޮންމެ ބައިވެރިއަކަށް 3000 ރުފިޔާގެ އިނާމެއް ހުށަހަޅާފަ އެވެ.