ވެލާނާ އިންޓަނޭޝަނަލް އެއާޕޯޓުން (ވީއައިއޭ)ގައި އެއް ދުވަހެއްގެ ތެރޭގައި 1،000 އެއާ ޓްރެފިކް މޫވްމަންޓް ފަހަނައަޅައި، އެއާޕޯޓުގެ ތާރީހުގައި މުހިއްމު ރެކޯޑެއް ހާސިލްކޮށްފި އެވެ.
ވީއައިއޭގައި މި ރެކޯޑް ހަދާފައިވަނީ މިމަހުގެ 22 ވަނަ ދުވަހު އެވެ.
އެދުވަހުގެ 1،000 އެއާ ޓްރެފިކް މޫވްމަންޓްގެ ތެރޭގައި 234 ރަންވޭ މޫވްމަންޓާއި 766 ވައިގެ ޓެކްސީ މޫވްމަންޓް ހިމެނެ އެވެ.
ވީއައިއޭގައި އެއާ ޓްރެފިކް މޫވްމަންޓް ވަރަށް ބޮޑަށް އިތުރުވެފައި މިވަނީ އާ އަހަރާ ދިމާކޮށް ރާއްޖެއަށް އަންނަ ފަތުރުވެރިންގެ އަދަދު ވަރަށް ބޮޑަށް އިތުރުވެފައި ވަނިކޮށެވެ.