އެންމެ ކުޑަ އުޖޫރަ ކަަނޑައަޅާ ބިލާއި އިންކަމް ޓެކްސް ބިލު ރައްޔިތުން މަޖިލީހުގެ އަންނަ ދައުރުގެ ތެރޭގައި ހުށަހަޅުއްވާނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ރައީސް ސޯލިހު ވިދާޅުވީ ކުރިޔަށް އޮތް ދައުރުގައި މުހިންމު ބިލުތަކެއް މަޖިލީހަށް ފޮނުވަން ނިންމާފައިވާ ކަމަށާއި އެގޮތުން ބޮޑެތި އިސްލާހުތަކާއެކުގައި ލާމަރުކަޒީ ގާނޫނު އިސްލާހުތަކެއް ހުށަހެޅޭނެ ކަމަށެވެ.
އޭގެ އިތުރުން އިންކަމް ޓެކްސް ނެގުމުގެ ގާނޫނުގެ ޑްރާފްޓު ނިމިފައިވާ ކަމަށާއި ކަމާ ބެހޭ ފަރާތްތަކާއެކު މަޝްވަރާ ކުރުމަށް ފަހު ކުރިޔަށް އޮތް ދައުރަށް އެ ބިލު ހުށަހަޅުއްވާނެ ކަމަށެވެ. ހަމަ އެގޮތަށް އެންމެ ކުޑަ އުޖޫރަ ކަނޑައަޅާ ބިލު ވެސް މި އަހަރުގެ ތެރޭގައި މަޖިލީހަށް ހުށަހަޅުއްވާނެ ކަމަށް ރައީސް ސޯލިހު ވިދާޅުވި އެވެ.
"އިންކަމް ޓެކްސްގެ ތިން ބްރެކެޓެއް ނަގަން ނިންމާފައި ވާނެ. އެ މައުލޫމާތުތަކުގެ ތަފްސީލުތައް ސްޓޭކް ހޯލްޑަރުންނާ އަދި އެއްފަހަރު ބައްދަލުކޮށްފައި ހާމަ ކުރާނަން. އެއީ މީގަ ބޮޑަށް އަމާޒުކޮށްފައި މި އޮތީ ގިނައިން އާމްދަނީ ލިބޭ ފަރާތްތަކަށް. އެހެންވީމަ އެ ފަރާތްތަކާ އެކީ އަދި އެއް ބަދަލުވުން ބާއްވާނަން،" ރައީސް ސޯލިހު ވިދާޅުވި އެވެ. "މިނިވަން ވޭޖް ރޭޓުވެސް މިހާރު އެދަނީ ކަމާ ބެހޭ ފަރާތްތަކާ މަޝްވަރާ ކުރަމުން،"