ހޯމް ކަރަންޓީން އުސޫލާ ހިލާފުވި މީހަކު ހައްޔަރުކޮށްފި އެވެ.
ފުލުހުން ބުނީ އުމުރުން 24 އަހަރުގެ ފިރިހެނަކު ކަރަންޓީން އުސޫލާ ހިލާފުވެފައިވާތީ ހައްޔަރުކޮށްފައިވާ ކަމަށެވެ. ގއ. ވިލިގިލީގައި ހޯމް ކަރަންޓީންގައި ހުރި އެ މީހާ ވަނީ އޭނާ ކަރަންޓީންގައި ހުރި ތަނުން ނިކުމެ ރަށުތެރޭގައި އުޅެފައެވެ.
އޭނާގެ ބަންދަށް 15 ދުވަސް ވަނީ ޖަހާފައެވެ.
ރަށު ހޯމް ކަރަންޓީނަށް ފޮނުވަނީ އެޗްޕީއޭއިން ކަނޑައަޅާ ހާއްސަ އުުސޫލުތަކަކަށް އަމަލުކުރުމަށް އެއްބަސްވުމަށްފަހުއެވެ. އެގޮތުން 14 ދުވަސް ވަންދެން ކޮޓަރިއެއްގައި ކަރަންޓީން ވެގެން ހުންނަން ޖެހެއެވެ. ކަރަންޓީނުން ދޫކޮށްލަނީ 14 ދުވަސް ހަމަވުމުން ކޮވިޑަށް ޓެސްޓްކޮށް ނެގެޓްވް ވުމުންނެވެ.