ކޮވިޑް ޖެހެގެން ރާއްޖެއިން އިތުރު މީހަކު މަރުވެއްޖެ އެވެ.
އެޗްޕީއޭ އިން ބުނީ ކޮވިޑް ޖެހިގެން މިއަދު މަރުވެފައިވަނީ 84 އަހަރުގެ ދިވެހި އަންހެނެއް ކަމަށެވެ.
އެ މީހާ މަރުވެފައި ވަނީ ހުޅުމާލެ މެޑިކަލް ފެސިލިޓީގައި ފަރުވާ ހޯދަމުން ދަނިކޮށް މިއަދު ހެނދުނު 9:55 ހާއިރު އެވެ.
މިއީ ރާއްޖެއިން ކޮވިޑް ޖެހިގެން މަރުވި 193 ވަނަ މީހާ އެވެ.
ކޮވިޑް ޖެހެގެން މަރުވާ މީހުންގެ ނިސްބަތް މިދިޔަ މަހާ އަޅާ ބަލާއިރު މިމަ މަދެވެ. ވޭތުވެ ދިޔަ 24 ގަޑިއިރު ތެރޭގައި ބަލި ޖެހެގެން މަރުވެފައި ވަނީ އެންމެ މީހެކެވެ.