މިއަކީ ސަމާސާ ލިސްޓެއް ނޫނެވެ. މިއީ ސަމާލުވާންޖެހޭ ލިސްޓެކެވެ. ކުޑަކުދިންނަށް ޖިންސީގޯނާ ކުރާ މީހުންނާމެދު ހާއްސަ އުސޫލުތަކަކަށް އަމަލުކުރުމުގެ ގާނޫނުގެ 57 ވަނަ މާއްދާގެ ދަށު އެކުލަވައިލި ފުރަތަމަ ދަފުތަރު މިއަދު އާންމުކޮށްލި އިރު 73 މީހުންގެ ފޮޓޯ އާއި ވަނަރު އާންމުކޮށްފައި މީހުންގެ ލިސްޓެވެ. މީގެ ތެރެއިން އެކެއްގެ ވަނަވަރު ހާމަކޮށްފައި ވަނީ ފޮޓޯ ނުހިމަނަ އެވެ.
ދަފުތަރުގައި ތިބި ކުޑަކުދިންނާ ބެހޭ 74 މީހުންގެ ޖުމްލަ އަދަދުގެ ހިސާބުތައް ދައްކާ ގޮތުން އެ 74 މީހުންގެ ތެރެއިން 70 މީހުންނަކީ ދިވެހިންނެވެ. ބިދޭސީ ހަަތަރު މީހުން ތިބި އިރު އޭގެ ތެރޭގައި ހިމެނެނީ ބަންގްލަދޭޝްގެ 3 މީހުންނާއި ސްރީލަންކާގެ މީހެކެވެ.
މުޅި ދަފުތަރަށް ބަލާއިރު މުސްކުޅިންގެ އުމުރު ފުރާގެ ތެރޭގައި ހިމެނެނީ ހަތް މީހުނެވެ. މެދު އުމުރުގެ 32 މީހުން ތިބިއިރު ޒުވާނުންގެ އަދަދަކީ 31 އެވެ. މުޅި ދަފުތަރުގައި ހިމެނެނީ އެންމެ އަންހެނެކެވެ. އަދި މުޅި ދަފުތަރުގައި ހިމެނޭ އެންމެ މުސްކުޅި މީހާގެ އުމުރަކީ 87 އަހަރެވެ.
ކުޑަކުދިންނާ ބެހޭ މީހުންގެ ޖުމްލަ އަދަދު އަތޮޅު ތަކުން ބެލުމުން ކުޑަކުދިންނާ ބެހުނު އެންމެ ގިނަ މީހުން ލައްވާލަނީ ރ. އަތޮށެވެ. އެއީ 11 މީހުންނެވެ. އެންމެ ގިނަ މީހުން ލައްވާލަނީ އެ އަތޮޅު ކަނދޮޅުދޫ އަށެވެ. އެއީ ފަސް މީހުންނެވެ. – ކަނދޮޅުދޫއަކީ މިހާރު މީހުން ދިރިއުޅޭ ރަށަކަށް ނުވާތީ އެރަށުގެ މީހުން ނިސްބަތްވަނީ އެހެން ރަށްރަށަށެވެ –
މި 74 މީހުންގެ ތެރެއިން އެންމެ ގިނަ މީހުން ތިބީ މާފުށީ ޖަލުގަ އެވެ. އެއީ 32 މީހުންނެވެ. ހިއްމަފުށީ އައްސޭރި ޖަލުގައި 21 މީހުން ތިބި އިރު ހުޅުމާލޭ ޖަލުގައި 6 މީހުން އެބަތިއްބެވެ. މާލޭ ޖަލުގައި 10 މީހުން ތިބި އިރު ތިލަފުށީ ޖަލުގައި ތިން މީހުން އަދި ގޭ ބަންދުގައި މީގެ ތެރެއިން މިވަގުތަށް ސަމާލުވާން ޖެހޭ ދެ މީހުންނަކީ ގޭ ބަންދުގައި ތިބި ދެމީހުންނެވެ. އެ ދެމީހުންނަކީ މ، މަޑުއްވަރީ ރޯޝަނީގޭ، އިބްރާހިމް މޫސާ 74، އާއި ހދ. ކުޅުދުއްފުށީ ކޮށީގޭ، މުހައްމަދު ހުސައިން 79، އެވެ.
ކުޑަކުދިންނަށް ޖިންސާ ގޯނާ ކުރާ މީޙުންގެ ދަފުތަރު ހުލާސާކޮށް ދައްކުވައިދޭ ގްރެފިކްސްެއެއް: އަވަސް އިންފޮގްރެފިކްސް