ކުޑަ ފިރިހެން ކުއްޖަކު ކުޑަ އަންހެން ކުއްޖަކަށް ޖިންސީ ގޯނާކުރި މައްސަލައެއް ތަހުގީގު ކުރަން ފަށައިފި އެވެ.
ފުލުހުން ބުނީ މިފަދަ މައްސަލައެއް ކ، އއ، އދ އަދި ވ. އަތޮޅު ހިމެނޭ ނޯތު ސެންޓްރަލް ޕޮލިސްއަށް ހުށަހަޅާފައިވާ ކަމަށެވެ.
މިމައްސަލައިގައި ހިމެނޭ ފިރިހެން ކުއްޖާ އަކީ 18 އަހަރުން ދަށުގެ ފިރިހެން ކުއްޖެއް ކަމާއި އަނިޔާ ލިބުނީ ހަތަރު އަހަރުގެ އަންހެން ކުއްޖަކަށް ކަމަށް ފުލުހުން މައުލޫމާތު ދީފައިވެ އެވެ.
މިމައްސަލަ މިމަހުގެ 21 ވަނަ ދުވަހު ފުލުހުންނަށް ހުށަހަޅާފައިވާތީ މައްސަލަ ތަހުގީގު ކުރަމުންދާ ކަމަށްވެސް ފުލުހުން ބުންޏެވެ.
މިއީ ކުޑަކުދިންގެ މަސްލަހަތު ހިމެނޭ މައްސަލައަކަށްވާތީ ކުދިންގެ މައުލޫމާތު ފުލުހުން ހާމައެއް ނުކުރެ އެވެ.