އުމުރުން 10 އަހަރުގެ އަންހެން ކުއްޖަކަށް ޖންސީ ގޯނާކުރި ކަމުގެ ތުހުމަތުގައި މުދިމަކު ހައްޔަރުކޮށްފި އެވެ.
ފުލުހުން ބުނީ އިއްޔެގެ ވަގުތެއްގައި ޖިންސީ ގޯނަގެ މައްސަލައެއް ދެކުނު ސެންޓްރަލް ޕޮލިސް ހިމެނޭ ރަށަކުން ފުލުހުންނަށް ރިޕޯޓް ކުރި ކަމަށެވެ.
މިމައްސަލައިގައި ތުހުމަތުކުރެވޭ އުމުރުން 51 އަހަރުގެ މީހާ މިހާރު ހައްޔަރުކޮށްފައިވާ ކަމަށެވެ.
މިމައްސަލަ އިތުރަށް ތަހުގީގު ކުރަމުންދާ ކަމަށްވެސް ފުލުހުން ބުންޏެވެ. ނަމަވެސް ކުޑަކުއްޖެއްގެ މަސްލަހަތު ހިމެނޭ މައްސަލައެއް ކަމުން މައްސަލަ އާއި ގުޅޭ އިތުރު އެއްވެސް މައުލޫމާތެއް ފުލުހުން ހިއްސާކޮށްފައެއް ނުވެ އެވެ.
ކުޑަކުދިންނާ ގުޅޭ މައްސަލަ ތަކަކީ ސީރިއަސް މައްސަލަ ތަކެއްގެ ގޮތުގައި ކުރިއަށް ގެންދާ މައްސަލަތަކަކަށް ވާތީ އެ ކުދިން ނިސްބަތްވާ އަތޮޅާއި ރަށް ފުލުހުން އެއްވެސް އިރަކު ހާމައެއް ނުކުރެ އެވެ.